HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 57 2750 Alman Salîb-i Ahmeri'ne verem mücâdelesi (kurslar, konferanslar, tedâvî evleri) için 1.000 frank, Belçika Salîb-i Ahmeri'ne kazâ vukûʻunda muʻâvenet-i müstaʻcele (feyezânlar) için 5.000 frank, bir sanatoryumda taht-ı tedâvîde bulunan veremli çocuklar için Letonya Salîb-i Ahmeri'ne 1.000 frank, Lahey'de inşâ edilmiş olan yeni hastahâne ile feyezândan müteessir olanlar için 5.000 frank, Lehistan Salîb-i Ahmeri'ne müteverrim hastabakıcı hemşîreler için 1.000 frank, Romanya Salîb-i Ahmeri'ne frengi ve diğer emrâz-ı sâriye mücâdelesi için 1.000 frank, Çekoslovak Salîb-i Ahmeri'ne Salîb-i Ahmer sanatoryumunda taht-ı tedâvîde bulunan müteverrim etfâl için 1.000 frank. EMRÂZ-I ZÜHREVİYE İLE MÜCÂDELE Doktor İsmail Kenan Her milletin bir nüfûs siyâseti var. Bir memleketin yükselmesi ve terakkî etmesi kesîf bir nüfû- sun muntazam bir sûretde çalışmasıyla kâbildir. Milletler senelerden beri tenâkus-ı nüfûsa sebeb olan âmillere karşı şiddetli bir harb açmışlardır. Bu harb her gün sâhasını daha fazla tevsîʻ ederek düş- manlarımız olan mikrobları ezmek için eldeki vesâitden aʻzamî derecede istifâde ediyor. Bir milletin tenâkusuna sebeb olan âmilleri beşe ayırabiliriz: Birincisi , intânî hastalıklar (maladies infectieuses) İkincisi , zührevî hastalıklar (maladies véneriens) Üçüncüsü , irâdî tesemmümler (morfin, alkol, kokain vesâire) Dördüncüsü , çocuk bakma ve büyütmeye adem-i vukûf Beşincisi , ıskât-ı cenîn Bugün etıbbânın vazîfesi yalnız hasta olanları tedâvî etmek değildir. Bilakis hasta etmemek ve olmamak çâreleri- ni düşünmek ve tatbîk etmekdir. "Prevenir c'est guerir", tıbbın bugün kabûl etdiği en mühim bir düstûrdur. Hıfzıssıhha sıhhatin muhâfaza ve has- talıklardan vikâyesi için lâzım olan kavânîn ve nizâmâtı irâʼe eder. İnsân tabîʻata silâhla mücehhez olmayarak doğar ve tabîʻatın deli darabâtına karşı pek âciz bir mevkiʻdedir. Ta- bâbetin aslı ve esâsı vazîfelerinden biri de hastalıklara karşı mücâdeledir. Hıfzıssıhha hastalıklardan vikâyeyi gösterir. Bugünkü tabâbetin gâyesi hastalıklardan vikâye mesʼelesi- dir. Bir zamânlar kavm-i İsrail ve Yunanîlerde "dîn", insân- lara hıfzıssıhha kavâʻidini gösterirdi. Eski [419] Yunanîler- de Atina'da bir Onlar Meclisi vardı. Bu meclisin vezâif ve meşâgıli lağımların inşâsı, suların tarz-ı taksîmi, şehirlerin inşâsı, meydânların ve sokakların temizlenmesi idi. Roma- lılar da bilhâssa bedenin neşv ü nemâsına, bedenî terbiyeye fevkalâde iʻtinâ ederlerdi. Bu nüshamızda bir makâle-i sıhhiyesini neşretdiğimiz Doktor İsmail Kenan Beyefendi Dr. Ismaïl Kénan Bey, dont nons réproduisons dans ce numéro une étude sur la syphilis en Turquie