HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 57 2752 kesb etmişdir. 1300 senesinde ilel-i sâriyenin menʻ-i intişârı için hükûmetçe bazı tedâbîr ittihâz edil- mişdir. Harbden sonra sefâlet ve cümle-i asabiyelerin umûmî teşevvüşü dolayısıyla fuhuş fevkalâde ittisâʻ peydâ etmişdir. Bu ittisâʻ netîcesi emrâz-ı zühreviye bütün şiddetiyle icrâ-yı hükm etmeğe baş- lamışdır. Hükûmet cidden son senelerde büyük bir azim, yorulmaz bir saʻy ile emrâz-ı zühreviyeye karşı şiddetli bir harb açmışdır. İstanbul'da frengililerin meccânen tedâvîsiyle meşgûl olmak üzere İstanbul'da, Kadıköyü'nde, Üsküdar'da, Cerrahpaşa'da, Etfâl ve Haseki Hastahânelerinde muhtelif dispanserler açmışdır. Bu dispanserlerin başındaki kıymetli meslekdâşlarımız bu hastalıklara karşı şiddetle mücâdele etmekdedirler. Haftada bir, fâhişelerin muʻâyeneleriyle meşgûl olan muhtelif mıntıkalarda muʻâye- nehâneler ve Gülhane Parkı dâhilinde bir de Emrâz-ı Zühreviye Hastahânesi vardır. Bu husûsda en ileride olan hükûmetlerden birisi de Amerika'dır. Amerika'da emrâz-ı zühreviyeye karşı belediye devâiri, hükûmât-ı müttehidenin sâhib-i salâ- hiyet dâireleri ve husûsî cemʻiyetler müşterek bir kuvvet hâlinde mücâdele etmekdedirler. Bütün bu teşkîlât için otuz seneden beri yorulmaz bir azim ile çalışmakdadırlar. Millî mücâdelesini başaran Amerika ictimâʻî hıfzıssıhha cemʻiyetleri bütün kuvvetlerini bu husûsdaki [421] saʻylerini teksîf et- mişlerdir. Bu cemʻiyetler müşterek bir gâye uğrunda dağılmış, kuvvetleri bir mihrâka toplanmakdadır. Tabâbet, kânûn ve terbiyenin gösterdiği usûl ve kuvvetlerle mücâdelesine devâm etmekdedir. Bu cemʻiyetler sâyesinde fuhuş ve emrâz-ı zühreviyeden başka her türlü milleti ızrâr eden gayr-ı tabîʻî, sevk-i tabîʻîleri ıslâh etmekdedirler. Bunların ıslâhı ırkın kuvvetlenmesi ve aynı zamânda yaşamasını teʼmîn edecekdir. Cincinuata'da inʻikâd eden ictimâʻî hıfzıssıhha kongresinde Amerika ve Büyük Britanya Hükû- meti murahhaslarının aynı prensipler dâiresinde çalışdıkları tezâhür etmişdir. Bu cemʻiyetlerin pek mükemmel, gâyet iyi istihbârât dâireleri mevcûddur. Bunlar vâsıtasıyla millî vicdânı dâimâ îkâz et- mekdedirler. Profesörler, filmler ve kıymetli konferanslarıyla halkı irşâd etmekdedirler. Bu propa- gandalardan lâzım olan netîceleri elde edebilmek için her hükûmetin husûsî bir sûretde elde etdikleri netâyici arz etmekde ve bu husûsda muhtelif münâkaşalar cereyân etdikden sonra müstakbel terakkî hatları müştereken çizilmekdedir. Aynı mesʼele üzerinde müttefik kalan müttehide hükûmâtı icrâât cihetiyle yekdiğerlerinden ayrılmakdadır. Amerikalılar birçok milletlerden müteşekkildir. Nüfûsun üçde biri yabancıdır. New York'da neşrolunan gazeteler yüz lisândan ibâretdir. Birçok parklarda bazı levhalar on muhtelif elsine ile yazılmışdır. Bu muhtelif lisânların müşkilâtı dolayısıyla efkâr-ı umûmiye tarafından bu düstûrların kabûlü pek büyük mâniʻalara rast geldiği hâlde on sene zarfında elde edilen terakkiyât ve katʻ edilen merâhil istikbâle emniyetle bakmağa cesâret veriyor. Sıhhî ve Tıbbî Tedbîrler Hastabakıcıların fiʻlî teşkîlâtı her hükûmetin büyük şehirlerinde zührevî emrâza karşı mües- sesât vücûda getirmişlerdir. Bunlarla müşterek olmak üzere laboratuvarlar ve sekiz yüze yakın dis- panser küşâd etmişlerdir. Gerek resmî cemʻiyât ve gerek millî cemʻiyât tarafından halkı tenvîr edecek sûretde yazılmış yüz binlerce nüsha her tarafa dağıtılmaktadır. Bu sûretle bir tarafdan halk îkâz edilirken diğer tarafdan