HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 57 2759 ları ve bilâhare hemen büyükleri veremden vikâye için Profesör Calmette'in keşfi olup B.C.G. [428] alâmet-i fârikalı verem aşısı tatbîkâtına mübâşeretdir. Nisan ayında 25 tatbîkâtda bulunulmuşdur. Memleketimizde bu yolda en evvel vâsiʻan verem aşısı tatbîk ile çocukları taʻkîb eden Himâ- ye-i Etfâl Cemʻiyeti Süt Damlası'dır. Veremin fevkalâde münteşir olduğu medenî şehirlerde çocuklardan yüzde hemen 93'ünün birin- ci sene nihâyetinde verem intânına dûçâr olduğu nazar-ı dikkate alındığı hâlde bu aşının yeni doğan çocuklara tatbîkinden ne derece istifâde edileceği anlaşılır. Veremden ölmeğe mahkûm yüz çocukdan hemen 90'ının bu aşı ile kurtarıldığını istatistikler göstermekdedir. Zâten bu aşı bugün İtalya, Polonya, Belçika, Romanya, İsveç, Rusya, İsviçre, Yugoslavya, Çe- koslovakya, Yunanistan, Brezilya vesâirede vâsiʻan tatbîk edilmekdedir. Himâye-i Etfâl Cemʻiyeti'nin bu faʻâliyeti şâyân-ı zikir ve kayıddır. HİLÂL-İ AHMER HAVÂDİSİ Galatasarây Lisesi talebesi muʻâvenete muhtâc olanların ihtiyâclarını düşünerek aralarında top- ladıkları 27.147 kuruşu cemʻiyetimizin Beyoğlu merkezine teslîm etmekle yüksek bir eser-i şefkat göstermişlerdir. Bu gençlere teşekkürle berâber cemʻiyetimizin dâimî aʻzâsı olmak sûretiyle diğer arkadâşlarına numûne olmaları da ayrıca şâyân-ı takdîr ve tebrîkdir. _______________ Hilâl-i Ahmer Umûmî Kongresi Münâsebetiyle Hilâl-i Ahmer Cemʻiyeti'nin umûmî kongresi münâsebetiyle Beynelmilel Salîb-i Ahmer Mer- kez Komitesi Reîsi Mösyö Gustave Ador, tercemesi zîrde muharrer telgrafnâmeyi göndermişdir: "-Türkiye Hilâl-i Ahmer Cemʻiyeti'nin umûmî kongresi münâsebetiyle Beynelmilel Komite cemʻiyetinizin muʻazzam faʻâliyetini selâmlar ve temenniyât-ı samîmânesini takdîm eder". Merkez Komite Reîsi Ador Bu telgrafnâmeye kongre riyâsetinden verilen cevâbî telgrafnâmenin tercemesi: "-Beynelmilel Salîb-i Ahmer Komitesi'nin kıymetdâr selâm ve temenniyâtına ıttılâʻ hâsıl eden Hilâl-i Ahmer Meclis-i Umûmîsi zât-ı âlîlerine ve komite heyʼet-i muhteremesine en hâr ve samîmî teşekkürâtını takdîm ve hürmetlerini teʼyîd ile kesb-ı fahr eyler". Hilâl-i Ahmer Kongre Reîsi Kâzım _______________