HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 57 2766 Muhterem doktorlarımızın halk için pek kıymetdâr olan işbu mesâʻî-i insâniyet-perverîlerine Van merkezimiz nâmına teşekkür ederiz. _______________ Bitlis Hilâl-i Ahmer Merkezi Bitlis Hilâl-i Ahmer Merkezi aʻzâsı hanımefendilerin bayramın birinci çiçek günü rozet tev- zîʻinde müstesnâ bir faʻâliyet ve iʻtâ-yı iʻânâtda yüksek bir hamiyet ibrâz etdikleri anlaşılmakdadır. Mecmûʻa bu yüksek kalbli mefhar-i nisvânımıza an-samîmin arz-ı şükrân eyler. _______________ Vezirköprü Çiçek bayramında rozet tevzîʻ ve cemʻ-i iʻânât husûsunda bezl-i himmet ve gayret eden Bele- diye Kâtibi Sadeddin ve Vezirköprü Hilâl-i Ahmer Şuʻbesi Kâtibi Derviş Çavuşzade Hüseyin Efen- dilerle inâs mektebi muʻallimlerinden Şevket Bey kerîmesi Nadire ve refîkası ve Belediye Muhâsib-i Mesʼûlü Sabih Bey kerîmesi Vasfiye, Milliye Veznedârı Asım Bey kerîmesi hanım, erkek mektebi muʻallimlerinden Tahir Bey kerîmesi Asıme ve Nâzım Efendi kerîmesi Radiye ve Süreyya Hanımla- rın Hilâl-i Ahmer'imize karşı perverde etdikleri teveccüh ve muhabbetin âsâr-ı bâhiresinden addetdi- ğimiz işbu hizmetleri şâyân-ı takdîr ve şükrândır. _______________ Geyve Akhisarı Şuʻbesi Yeniden teşekkül edip muhîti iʻtibârıyla şuʻabât-ı sâirenin fevkinde olduğu ciddî tarzdaki faʻâ- liyetinden anlaşılan Geyve Akhisarı şuʻbemizin bayramın birinci günü çiçek hâsılâtında birinciliği ihrâz etdiğini kemâl-i şükrân ile kaydediyoruz. _______________ Beyoğlu vilâyeti heyʼet-i merkeziyesi 12 Nisan târîhli ictimâʻında aʻzâdan Haydar İbrahim Bey'in teklîfi üzerine heyʼet-i merkeziye aʻzâsından her birinin gerek efrâd-ı âilesinden ve gerek tanıdığı zevâtdan birkaç zâtı cemʻiyete aʻzâ kaydolunmağa teşvîk etmesi ve bunun için heyʼet-i mer- keziye aʻzâsına taʻahhüd senedleri tevzîʻ olunması takarrür etmiş ve aʻzâya taʻahhüd senedleri tevzîʻ olunarak bu sûretle cemʻiyet aʻzâsının teksîrine teşebbüs edilmişdir. İşbu teşebbüs netîcesinde ilk defa aʻzâdan Doktor Refik Münir Beyefendi'nin delâletleriyle altı zât ve Keresteciyan Efendi'nin teşvîkiyle on dört zât aʻzâlığı kabûl ve taʻahhüdâtlarını tesviye etmişlerdir. Merkezin diğer aʻzâlığına tarafından bu sûretle birçok zevât cemʻiyet aʻzâlığına teşvîk ve tergîb edilmekde bulunduğundan Be- yoğlu merkezi aʻzâsı mühim bir sûretde tezâyüd etmiş olacakdır. _______________