HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 57 2771 1914 senesinde neşrolunan bir istatistiğe nazaran o sene zarfında Ontorio'da zuhûr eden 2.296 yangının yüzde 69'[u] trenlerden, yüzde 7'si ortakçı, çiftçi gibi rençberlerden, yüzde 7'si ormanlarda gezen serserilerden ve yüzde 17'si mechûl sebeblerden hâsıl olmuşdur. _______________ Lehistan Lehistan Salîb-i Ahmer Merkez-i Umûmîsi'ne tâbiʻ hastabakıcılık şuʻbesinin 1924 senesinde [440] açdığı Samariten dersleri âtîdeki nazarî ve amelî derslerden müteşekkildir: - Teşrîh ve fizyoloji ve emrâz-ı intâniye - Edviyenin iʻmâli - Hıfzıssıhha-i umûmiye - Cerrâhî (cerrâhî hastalıklar ve ameliyât icrâ olunanlara ihtimâm) - İhtimâm-ı umûmî - Hastahânelerin idâresi - Ahlâkî ve meslekî prensipler İlk imdâd dersleri günde iki sâʻat nazariyâtdan ve üç sâʻat tatbîkât-ı ameliyeden ibâret olup birincisi 96 ve ikincisi 135 dürûsu ihtivâ etmekdedir. Her mevzûʻ, tabîb olması mecbûrî olan husûsî bir muʻallim tarafından tedrîs olunmakdadır. On sekiz yaşdan dûn olmaması îcâb eden talebe bir imtihâna tâbiʻ bulunduruldukdan sonra şehâdetnâmeye kesb-i istihkâk eder. İmtihânlarda muvaffak olanlara "Lehistan Salîb-i Ahmer İhtiyât Hastabakıcılığı Hemşîresi" nâmı verilir. Diploma alan tâlibât dört sene zarfında sanʻatlarını tatbîk edemedikleri hâlde diğer munzam derslere devâm etmek mecbûriyetindedirler. İhtiyât hastabakıcı hemşîrelerden ilk daʻvetde arz-ı hizmet edeceklerine dâir bir taʻahhüdnâme alınır. Bu hemşîreler değişen adreslerini Salîb-i Ahmer'e ihbâra mecbûrdurlar. Dersler meccânen iʻtâ olunur. _______________ İsveç Danimarka, Finlandiya, İzlanda, Norveç ve İsveç'den müteşekkil İskandinavya memleketleri hastabakıcılar kongresi 2 Ağustos 1926 târîhinde inʻikâd edeceğinden kongreye iştirâk edecek mem- leketlerin beheri için "Şimâl Hastabakıcı İttihâdı Meclisi" iki hemşîre masârıfını derʻuhde etmişdir. Müdür-i Mesʼûl: Arif Süleyman