HİLÂL-İ AHMER MECMÛʻALARI / CİLT 6

2787 Beşinci Sene 3 Zilhicce sene 1344 / 15 Haziran 1926 Numara 58 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: Dînî ve Millî Bayram Günlerinde Hilâl-i Ahmer Şefkat Pullarının İstiʻmâline Dâir Kânûn – İctimâʻî Hıfzıssıhha – Genç Mekteblilerin Yevmî Mîzân-ı Hayâtı – Sedye ve Buna Müteʻallik Malzeme-i Sıhhiyenin Yeknesak Bir Şekle İfrâğı Hakkında Cenevre Deniz Komitesi'nin Açdığı Müsâbaka – Hilâl-i Ahmer Müfettişler Taʻlîmâtnâmesi – Hilâl-i Ahmer Havâdisi – Hilâl-i Ahmer Kongresi – Fransızca Kısmı – İngilizce Kısmı 7 HAZİRAN [1]926 TÂRÎHİNDE TÜRKİYE BÜYÜK MİLLET MECLİSİ'NDE KABÛL EDİLEN DÎNÎ, MİLLÎ BAYRAM GÜNLERİNDE İSTİʻMÂL EDİLECEK HİLÂL-İ AHMER ŞEFKAT PULLARI HAKKINDA KÂNÛN SÛRETİ Birinci Mâdde- Dînî ve millî bayram günlerinde posta ve telgraf ücretinden ayrı olarak âdî mektûblara bir, taʻahhüdlü ve kıymetli mektûblara iki buçuk ve telgrafnâmelere beş kuruşluk Hilâl-i Ahmer şefkat ve hâtıra pulu ilsâkına Dâhiliye vekîli meʼzûndur. İşbu pullar Hilâl-i Ahmer Cemʻiye- tince ihzâr edilir. Sarf edilen pulların bedeli bir ay zarfında posta ve telgraf idârelerince Hilâl-i Ahmer Merkez-i Umûmîsi Veznesi'ne teslîm olunur. İkinci Mâdde- İşbu kânûn târîh-i neşrinden muʻteberdir. Üçüncü Mâdde- İşbu kânûnun ahkâmını icrâya Dâhiliye vekîli meʼmûrdur. [448] İCTİMÂʻÎ HIFZISSIHHA -31- Ağız Temizliği İlm-i tıb ve mikrob fenni nokta-i nazarından ağız, bedende en pis ve tehlikeli bir cevf olarak tanılır. Fakat garîbi şudur ki, herkes kendi ağzını pek temiz bilerek başkasınınkinden dâimâ iğren- mekdedir. Ağzın temiz ve pisliği, görünüşe, dişlerin manzara ve hâline, dilin, diş etlerinin rengine tâbiʻ değildir. Ağız içindeki lâ-yuʻad mikrobların cins ü cibilliyetleri nokta-i nazarından sıhhat ü