HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2790 11-18 yaşındaki gençlerde ise: 1-Tahsîl zamânı, haftada 1.350 dakîka 2-Sıhhat zamânı, haftada 950 dakîka 3-Faʻâliyet-i bedeniye zamânı, haftada 300'den ibâret olmalıdır. SEDYE VE BUNAMÜTEʻALLİK MALZEME-İ SIHHİYENİN YEKNESAK BİR ŞEKİL VE EBʻÂDDA TERTÎBİ İÇİN CENEVRE MERKEZ KOMİTESİ'NİN AÇDIĞI MÜSÂBAKA 7 Teşrîn-i Evvel 1925 târîhinde Cenevre'de münʻakid On İkinci Beynelmilel Salîb-i Ahmer Konferansı'nda takarrür eden esâsât dâiresinde sedye ve sedye taʻlîkine mahsûs cihâz ve mecrûhîn varakaları, askerler tarafından taşınmağa mahsûs harb pansuman paketleri ve hüviyet levhalarının yeknesak bir şekil ve ebʻâdda tertîbi için Cenevre Beynelmilel Merkez Komitesi'nin küşâd eylediği müsâbaka şerâiti ber-vech-i âtîdir: Sedye Müsâbakaya kabûl edilecek sedyeler - Üzeri kumaş örtülü, - Üzeri maʻdenî örtülü, - Üzeri diğer mevâd ile örtülü - Tahtadan veya maʻdenden veya diğer muhtelit mevâddan maʻmûl yekpâre veya kurma (sökü- lebilir) sedyeler… Müsâbaka husûsât-ı âtiye hakkında icrâ edilecekdir. [451] 1-Aksâm-ı muhtelifenin iʻmâli için istiʻmâl olunan malzemenin; - Metâneti, - Elastikiyeti, - Müessirât-ı hâriciyeye, yani soğuğa, harârete, rutûbete karşı mukâvemeti, dayanıklığı 2-Ebʻâd: Açık veya toplu bulunduğu zamânlarda işgâl etdiği mahallin mecmûʻu ve işe yarayan aksâmının ebʻâdı 3-Mecrûhun sûret-i rabtı, zemînden sûret-i tecrîdi, istiʻmâle kâbiliyet ve sühûleti, kaç türlü is- tiʻmâli mümkün olabileceği 4-Taʻlîk ve tesbît ve tekerlekle müteharrik cihâzlara kâbiliyet-i tatbîkiyesi 5-Sökülebilmek, taʻmîrât ve aksâm-ı muhtelifesinin tebdîli husûsundaki imkân 6-Aksâm-ı muhtelifesinden yekdiğerinin yerine istiʻmâl edilebilmesi