HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2795 3-Müfettişlerin mıntıkaları dörde tefrîk edilmişdir. 1'inci Mıntıka- Ankara, Çankırı, Kastamonu, Bolu, Konya, Kırşehir, Aksaray, Kayseri, Afyon, Karahisar, Eskişehir, Kütahya, Çorum, Zonguldak, Bozok [454] 2'nci Mıntıka- İstanbul, İzmit, Trakya, Gelibolu, Çanakkale, Bursa, Bilecik, Balıkesir, Manisa, İzmir 3'üncü Mıntıka- Isparta, Burdur, Denizli, Aydın, Muğla, Antalya, İçel, Mersin, Adana, Mardin, Gaziayıntab, Urfa, Kozan, Maraş, Cebel-i Bereket 4'üncü Mıntıka- Ordu, Samsun, Sinob, Rize, Giresun, Trabzon, Tokad, Amasya, Sivas, Gümüş- hane, Erzurum, Erzincan, Mamuretülaziz, Karahisarışarki, Malatya, Siird, Diyarbekir, Van, Bayezid, Artvin, Ardahan, Hakkari, Dersim 4-Mıntıkaların Merkezleri 1'inci mıntıkanın merkezi Ankara 2'nci mıntıkanın merkezi İstanbul 3'üncü mıntıkanın merkezi Adana 4'üncü mıntıkanın merkezi Trabzon'dur. 5-Müfettişlerin Vazîfesi 1-Teşekkül etmiş merkez ve şuʻbelerde, nizâmnâme-i esâsînin merkez ve şuʻbelere âid sekizin- ci faslının 77-113'üncü mâddeleriyle dokuzuncu faslın 114, 117 ve 123'üncü mâddelerinin tamâmî-i tatbîkini teʼmîn ve murâkabe 2-Şuʻbe ve merkez teşekkül etmemiş mahallerde nizâmnâmenin 77-113'üncü mâddeleri mûce- bince merkez ve şuʻbe teşkîli 3-Merâkiz ve şuʻabâtın nizâmnâme-i esâsînin 128'inci mâddesinde envâʻı mezkûr menâbiʻ-i vâridâtdan aʻzamî istifâde ve teşekküllerin teʼmîn ve idâme-i faʻâliyetini istilzâm eden mesâʻîyi ibrâz 4-Muhâsebe taʻlîmâtnâmesinin ve idâre-i merkeziye mukarrerâtının tamâmî-i tatbîkini teshîl ve teʼmîn etmekdir. 6- Müfettişler hîn-i teftîşde nizâmnâme ve taʻlîmânâme ve muharrerât-ı umûmiye ile mukarrer ve müttehaz olan usûlde ve bir tahrîrât-ı husûsiye ile bir merkez veya şuʻbeye vâkiʻ teblîgâtı taʻdîlen veya müceddeden bazı teşebbüsât ve icrââtda bulunmağa veya kâʻide vazʻına lüzûm görür ise evvel emirde idâre-i merkeziyeye bildirecekdir. 7- Müfettişler esnâ-yı teftîşlerinde rüesâ-yı meʼmûrîn-i mülkiyenin merâkiz ve şuʻabât muʻâ- melâtı hakkında tahkîkât icrâsına dâir delâil-i mâddiyeye müsteniden vukûʻ bulacak mürâcaʻatlarını nazar-ı iʻtibâra alıp o mâdde hakkında da tahkîkâta tevessül edecek ve netîce-i tahkîkâtı hâvî raporu merkez-i umûmîye takdîm edeceği gibi tahkîkât icrâsına lüzûm gösteren meʼmûrîn-i mülkiyeye de netâyici işʻâr eder.