HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2796 8- Müfettişler esnâ-yı teftîşde merkez reîslerinin kendi şuʻabâtının teftîşi hakkında vukûʻ bula- cak taleblerini tercîhen îfâ ederler. 9- Müfettişler inde'l-îcâb mesâʻîlerinin teshîl ve tesrîʻi için meʼmûrîn-i mülkiye ve sıhhiye makâmlarından istiʻâne ederler. 10- Müfettişler esnâ-yı teftîşde bir hükûmet meʼmûrunun maʻlûmâtına mürâcaʻata lüzûm gör- dükleri takdîrde bu husûsu mevkiʻin en büyük mülkiye meʼmûruna resmen mürâcaʻat ederek teʼmîn ederler. 11- Müfettişler mıntıkaları dâhilinde senede lâ-ekal iki yüz gün devir ve teftîşde bulunurlar ve otuz gün müddetle meʼzûniyet hakları vardır. 12- Müfettişler mıntıkalarında bütün merâkiz ve şuʻabâtın işbu taʻlîmâtnâme dâhilinde nâzımı olup kendi teftîş lâyihalarının netâyicini ve tamâmî-i icrâsını dâimâ taʻkîb ve îfâ ile mükellef, aksi hâlde mesʼûldürler. 13- Müfettişlerin teftîş sırasında görecekleri yolsuzluklar cemʻiyeti ızrâr etmemiş ve bir sûikas- da mübtenî değil ise merkez-i umûmîyi haberdâr etmekle berâber menʻ-i tekerrürü esbâbını teʼmîn edecek vesâyâda bulunurlar. [455] 14- Müfettişler esnâ-yı teftîşlerinde cemʻiyete fahriyen hasr-ı vücûd ve mesâʻî etmiş olan heyʼet aʻzâlarını rencîde edecek en küçük hareketden bile mücânebet gösterirler. 15- Teftîş sırasında görülecek yolsuzluk bir sûikasda mübtenî ve cemʻiyetin zararını müeddî ol- muş ise muktezî tahkîkâta tevessül ederler. Tahkîkât sırasında dahi 14'üncü mâddeyi nazar-ı iʻtibârda bulundurmak lâzımdır. 16- Teftîş için teftîş lâyihası ve tahkîkât için evrâk-ı tahkîkiye tanzîm olunur. 17- Müfettiş merkez ve şuʻbelerin defâtir, evrâk ve senedâtını ve kâffe-i mevcûdâtını görüp muʻâyene ve tedkîk edebilir. 18- Müfettiş nükûd ve ayniyâtı, kıymetli evrâkı meʼmûr-ı mesʼûlünün huzûrunda taʻdâd ve se- nedâtı yine meʼmûr-ı mahsûs huzûrunda tedkîk ve rüʼyet edip bunları nezdinde alıkoymak ve tahsîlât ve sarfiyâtını icrâ etmek ve defâtir üzerinde kendi kalemiyle muʻâmele yürütmek gibi meʼmûrun mesʼûliyetine iştirâk edecek husûsâtı yapması câiz değildir. 20- Müfettiş esbâb-ı sübûtiyeden addolunacak evrâkı hasbe'l-lüzûm keyfiyâtı ayrıca taʻrîf eder sûretde bir makbûz ilmühaberi vererek alabilir. 21- Müfettişler her senenin Teşrîn-i Sânîsi zarfında gelecek sene için tafsîlâtlı bir teftîş programı yaparak müfettiş-i umûmîye gönderir ve teftîş-i umûmî tarafından nihâyet Kânûn-ı Evvel'in yirmisine kadar olan müddet zarfında tamâmen tasvîbi veya taʻdîli mutazammın bir cevâb verilir. Bu sûretle program iktisâb-ı katʻiyet ederek ancak fevkalâde hâl ve ihtiyâcda bi'l-muhâbere müfettiş-i umûmînin muvâfakatıyla taʻdîl olunabilir. 22- Bir merkez ve şuʻbenin muʻâmelâtı teftîş olunurken görülecek irtibât ve taʻalluku hasebiyle veyâhûd idâreden vukûʻ bulacak işʻâr üzerine müsâraʻat-ı teftîşi lâzım gelecek merkez ve şuʻbeler teftîşi tercîhen icrâ edilir. 23- Müfettişler bir numaralı numûmeye tevfîkan her ayın gâyesinde bir mesâʻî cedveli tanzîm ve idâre-i merkeziyeye irsâl ederler. 24- Hesâbât, merâkiz ve şuʻabâtın vezne defterleriyle kıymetli evrâk, depo defteri tedkîk edilip muʻâmelât-ı hesâbiyenin mevzûʻ taʻlîmât ve teblîgât dâiresinde kaydedilmiş ve defterlerin yekûnları doğru yapılmış olup olmadığına ve sûret-i kayıdca bir yanlışlık varsa doğrusu ve ne yolda tashîh