HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2797 olunacağı taʻrîf ve îzâh ve hatâlar tashîh edilerek defterler muhteviyâtına göre mevcûdât tesbît ve le- de'l-îcâb taʻdâd ve kasa ve kıymetli evrâk defterlerinin makbûzât ve medfûʻâtı evrâk-ı müsbeteleriyle tatbîk, ve'l-hâsıl makbûzât ve teʼdiyât-ı umûmiye gerek mâhiyeten ve gerek mikdâren tedkîk edilir. 25- Müfettiş teftîşe müfettiş-i sâbıkın bırakdığı yerden, teftîş yapılmamış ise şuʻbe ve merkezin mebdeʼ-i teşekkülünden iʻtibâren bedʼ eder. 26- Teftîş lâyihaları sâbık ve lâhık heyʼet-i idârelerin zamân-ı idârelerine âid olmak üzere ayrı ayrı tanzîm edilir. 27- Teftîş lâyihalarına müteferriʻ olarak muhâsebe taʻlîmâtnâmesinin taʻrîfât ve tasrîhâtı dâire- sinde olmak üzere vezne hulâsa-i hesâbiyeleri, maktûʻ makbûzlar ve şefkat pulları hesâb hulâsaları her senenin muʻâmelâtı ve yeni senenin devre-i hesâbiyeleri muʻâmelâtı ayrı ayrı tanzîm edilir. 28- Lâyiha-i teftîşiyede her mâddenin müfettişin mütâlaʻâtı sütûnu altında "sûret-i ikmâl ve ıs- lâhı [456] taʻrîf ve teblîğ edilmişdir" ve eğer müfettiş îcâbını taʻyîn edememiş ise "idâre-i merkezi- yeden îcâbı teblîğ edilmek lâzım gelir" veyâhûd idâre-i merkeziyenin "reʼyine taʻlîk olunmuşdur" mütâlaʻasını îcâb-ı hâle göre yazar. 29- Bir merkez veya şuʻbenin teftîşi hitâm buldukda lâyiha-i teftîşiyesi ve müteferriʻ hesâb ced- velleri idâre-i merkeziyeye gönderilir ve aslâ tedâhül etdirilmez. 30- Şuʻabâtın teftîş lâyihalarının bir sûreti âid oldukları merkeze tevdîʻ ve müfettiş lâyihasında- ki temenniyât ve mütâlaʻâtının tahakkuk ve icrâsını merkez nezdinde musırran taʻkîb ile mükellefdir. 31- Müfettiş icrâ etdiği teftîşâta dâir kimseye maʻlûmât ve ol bâbda mükâleme ve mübâhase açılmasına sebebiyet vermez. 32- Müfettişler idâre-i merkeziyeye gönderecekleri lâyihalarda mütâlaʻâtını serbestçe beyân eder. 33- Müfettişler lâyiha-i teftîşiyeleri ve hesâb hulâsalarından mesʼûldürler. 34- Merkez ve şuʻbe heyʼetleri ve meʼmûrîni îfâ-yı vazîfe esnâsında müfettişe her türlü teshîlât ve muʻâveneti îfâ ederler. 35- Bir mâdde-i mahsûsanın tedkîk ve tahkîki veya merkez ve şuʻbenin muʻâmelâtının teftîşi için idâre-i merkeziyeden meʼmûr edilecek olanlar tıbkı müfettişler gibi hareket ve işbu taʻlîmâtın ahkâmına riʻâyet ederler. 36- Yeniden taʻyîn edilen müfettişler iʻtâ edecekleri raporlar ve îfâ edecekleri mesâʻîye göre müfettiş-i umûmînin inhâsıyla altı ay sonra muvazzaf meʼmûrîn meyânına idhâl edilirler. Ehliyet ü kifâyeti görülmeyenler bu müddet zarfında vazîfelerinden afv edilirler. Bu husûsda kendilerine bir gûnâ tazmînât verilmez. _______________ HİLÂL-İ AHMER HAVÂDİSÂTI Bayram Tebrîği Kurbân Bayramı münâsebetiyle mecmûʻamız bütün kâriîn ve müteberriʻîn-i kirâm ile cemʻiye- timize dirîğ-i muʻâvenet etmeyen muhterem Türk milletine, âlem-i İslâm'a ve matbûʻâta arz-ı tebrîkât eyler ve bu vesîle ile de her vakit devâm-ı teveccüh ve muʻâvenetlerini ricâ eder. _______________