HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2799 Beyoğlu Hilâl-i Ahmer Heyʼet-i Merkeziyesi'ni teşkîl eden zevâtın gerek efrâd-ı âilesinden ve gerek tanıdıklarından birkaç zâtı cemʻiyete aʻzâ kaydolunmağa teşvîk etmesi hakkında heyʼet-i merkezîlerince verilen karâra tevfîkan aʻzâdan Avukat Salahaddin Neşet Bey'in delâleti ile yeniden on beş zât cemʻiyetimiz aʻzâlığını kabûl ve senevî cemʻan yüz dört lira iʻtâsını taʻahhüd etmişlerdir. Gerek mûmâileyh Salahaddin Neşet Bey'e ve gerek aʻzâlığı kabûl buyuran zevât-ı muhteremeye te- şekkür olunur. Hilâl-i Ahmer Beyoğlu Merkezi, Kasımpaşa, Kulaksız şuʻbeleri tarafından defn-i emvât edilen Kulaksız Kabristânı'na mevzûʻ iʻâne kutusundan on beş gün zarfında bin beş yüz kuruş hâsılât zuhûr etmişdir. Müteessir bulundukları bir zamânda bir takım dilencilerin izʻâcâtından kurtulmaları cenâze sâhiblerinin mûcib-i teşekkürleri olmuşdur. Bilhâssa makâbire civâr mahallâtdaki çocukların fenâ misâller görerek cenâzelerde dilenciliği iʻtiyâd etmekde olduklarını ihmâl etmeyen mezkûr şuʻbe heyʼeti, kabristânlarda dilenciliği menʻ etdirmek için teşebbüsâtda bulunmağa karâr vermişdir. Bu sûretle cenâze sâhibleri tarafından teberruʻ edilecek mebâliğin doğrudan doğruya cemʻiyât-ı hayriye- ye verilmesi teʼmîn edilmişdir. _______________ [458] Doktor Zeki Nâsır Bey Rockefeller Müessesesi nâm u hesâbına bir seneden beri Amerika'da ictimâʻî hıfzıssıhha tah- sîl ve tetebbuʻunda bulunan erkân-ı tahrîriyemizden Doktor Zeki Nâsır Bey'in müddetinin bu kere mezkûr müessese tarafından bir sene daha temdîd edildiğini kemâl-i memnûniyetle haber aldık. Doktor Zeki Bey, geçenlerde bu sütûnda Harvard Hıfzıssıhha Kulübü'nün bir ictimâʻında yeni Türkiye hakkında bir konferans verdiği gibi bu defa da dîn-i Muhammedî ve Türkiye Cumhûriyeti'nin dîn ve devlet siyâseti hakkında kulüb aʻzâsını tenvîr etmişdir. _______________ İzmir Hilâl-i Ahmer Dispanserleri Faʻâliyeti 1 numaralı İkiçeşmelik Hilâl-i Ahmer Dispanseri'ne Mayıs [1]926 zarfında mürâcaʻat eden hastaların emrâz-ı mütenevviʻalarını gösterir istatistik cedvelidir. Esâmî-i Emrâz Aded Malarya 550 Grip 120 Miʻde hastalıkları 350 Kalb hastalıkları 200 Difteri 1 Tetanos 1 Verem hastalığı 75