HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2809 [466] HİLÂL-İ AHMER KONGRESİ Birinci İctimâʻ Zabıtları 25 Nisan 1926 Pazar Küşâd Sâʻati: Sâʻat 14, Dakîka 30 İstanbul Mebʻûsu, Sıhhiye Vekîli Doktor Refik Bey tarafından riyâset kürsüsü işgâl edilerek: "-Beyefendiler, intihâbât icrâsına başlayacağız! Bir reîs, iki reîs-i sânî, iki kâtib intihâb edile- cekdir. Hepsi bir arada olacakdır". (İntihâbât icrâsına başlanıldı.) Doktor Refik Bey, Reîs-i Evvel (İstanbul): "-Tensîb buyurulursa arkadâş beylerden ikisi tas- nîf-i ârâya iştirâk buyursunlar. (Urfa Mebʻûsu Refet ve Kayseri Mebʻûsu Halid Beyler ârâ tasnîfine meʼmûr edildiler.) Beyefendiler! Ârâ netîcesini arz ediyorum: Riyâsete Türkiye Büyük Millet Meclisi Reîsi Kâzım Paşa hazretleri, riyâset-i sâniyeye İzmir Mebʻûsu Celâl Beyefendi ve Diyarbekir Mebʻûsu İbrahim Talîʻ Beyefendi, kâtibliklere Konya Me- bʻûsu Tevfik Fikret Bey ile İstanbul Murahhası Celâl Sâhir Bey intihâb olunmuşlardır". (Kâzım Paşa, makâm-ı riyâseti işgâl etdi.) Kâzım Paşa, Kongre Reîsi: "-Muhterem efendiler! Beni riyâsete intihâb etmek sûretiyle göster- diğiniz teveccühe bilhâssa teşekkür eder ve aʻzâ-yı kirâmı selâmlarım. Tevdîʻ buyurduğunuz vazîfeyi hüsn-i îfâya çalışacağım. Vazîfemin îfâsı esnâsında aʻzâ-yı kirâmın da bana muzâheret ve muʻâvenet etmeleri temennîsiyle işe başlıyorum. Rûznâme-i müzâkerâta geçmezden evvel üç takrîr vardır, okunacakdır". "-Kongre Riyâset-i Celîlesi'ne, Hâmî-i müfahham ve mürşid-i aʻzamımız büyük gâzîmiz hazretlerine, taht-ı himâyelerinde bu- lunmakla müftehir u mübâhî Türkiye Hilâl-i Ahmer Cemʻiyeti'nin [1]926 senesi kongresi aʻzâsının hissiyât-ı taʻzîmkârâne ve minnetdârânesinin arz u iblâğı zımnında müşârunileyh hazretleri nezd-i devletlerine bir heyʼetin iʻzâmını teklîf eylerim. İstanbul Mebʻûsu Doktor Hakkı Şinasi " *** "-Kongre Riyâset-i Celîlesi'ne, Türkiye Hilâl-i Ahmer Cemʻiyeti'nin şimdi ictimâʻ eden [1]926 senesi kongresi aʻzâsının his- siyât-ı ihtirâmkârânelerinin birer heyʼet maʻrifetiyle pek muhterem ve sevgili başvekîlimiz, Bü- yük Millet Meclisi reîsimiz ve erkân-ı harbiye-i umûmiye reîsimiz paşalar hazerâtına arz u iblâğını heyʼet-i muhteremeye teklîf eylerim. İstanbul Mebʻûsu Doktor Hakkı Şinasi " ***