HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2810 "-Riyâsete, Hilâl-i Ahmer kongresinin bu mesʻûd ictimâʻ gününde müncî-i aʻzam Gâzî Paşa hazretleriyle Büyük Millet Meclisi Riyâset-i Celîlesi'ne ve Başvekîl İsmet [467] ve Erkân-ı Harbiye-i Umûmiye Reîsi Fevzi Paşa hazretlerine arz-ı taʻzîmât edilmesinin reʼye vazʻını teklîf eylerim. Kocaeli Safvet " Reîs: "-Efendim, takrîrlerden birisi reîsicumhûr hazretlerine, diğerleri de Meclis Riyâseti ile Başvekâlet ve Erkân-ı Harbiye-i Umûmiye Riyâseti'ne kongrenin küşâdı münâsebetiyle arz-ı taʻzîmât edilmesi hakkındadır. Evvelâ teklîfi reʼyinize arz edeceğim. Kabûl buyurulduğu takdîrde tensîb ederseniz adedini de dört zât olarak intihâb edelim. Öylece bir otomobil ile kolayca giderler". Aydın Mebʻûsu Reşid Galib Bey (Merkez-i Umûmî aʻzâsından): "-Türk Ocağı kongrelerinde de yapıldığı gibi hâricden gelip de bu fırsatdan bi'l-istifâde Gâzî Paşa hazretleriyle ve diğer paşalar hazerâtıyla görüşmeğe nâil olmak arzusunda bulunan murahhaslar gitse daha münâsib olur. Kaç tâne hâricden gelen arkadâşımız var ise gitsinler. Memleketin dört köşesinden gelip Hilâl-i Ahmer murah- hası sıfatıyla Gâzî Paşa hazretlerini ve diğer paşalar hazerâtını ziyâret etmenin bir maʻnâ-yı mahsûsu vardır. Onun için birkaç otomobil masrafı bizi bu maʻnâyı aramakdan menʻ etmemelidir, kanâʻatin- deyim". Reîs: "-Efendim, Reşid Galib Bey hâricden gelen zevâtın cümlesinin iştirâkini teklîf ediyorlar. Reʼyinize arz edeceğim. Bilâhare zamânını da taʻyîn ve tesbît ederiz. Reşid Galib Bey'in teklîfini kabûl edenler ellerini kaldırsın. Kabûl etmeyenler ellerini kaldırmasın. Kabûl edilmişdir. Gününü ve sâʻatini ayrıca tesbît edeceğiz". Reşid Galib Bey (Merkez-i Umûmî aʻzâsından): "-Paşa hazretleri! Aynı mesʼeleye dâir söz söy- leyeceğim. Bu heyʼete merkez-i umûmî reîslerinin veyâhûd kongre reîslerinin veya birisinin refâkat etmesini temennî eylerim. Ta ki bu zevâtı paşalar hazerâtına takdîme delâlet etsinler". Reîs: "-Evet, efendim. O ciheti de nazar-ı dikkate alırız. Efendim, rûznâme-i müzâkerâta geçi- yoruz. Matbûʻ rûznâme taʻkîb edilecekdir. Birinci mâddesini okuyorum: 1-Merkez-i umûmî aʻzâsından olup vilâyât merkezleri tarafından ve birden fazla mahallerden murahhas intihâb edilen zevâtın reʼylerinin sûret-i istiʻmâli hakkında nizâmnâme-i esâsînin kırk üç ve kırk yedinci mâddelerinin tefsîri". Aydın Mebʻûsu Doktor Mazhar Bey (Van Murahhası): "-Lütfen mâddeler okunsun, efendim". Mâdde 43- Aʻzânın yalnız bir reʼyi vardır. Tesâvî-i ârâ vukûʻunda reîsin bulunduğu taraf tercîh olunur. Mâdde 47- Merkez-i umûmî aʻzâsı, kendi icrââtına âid husûsâtın meclis-i umûmî tarafından tedkîki esnâsında reʼy veremez. Reîs: "-Söz isteyen var mı efendim?" Çorum Mebʻûsu Doktor Mustafa Bey (Merkez-i umûmî aʻzâsından): "-Şimdi efendim, buna