HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2813 Şimdi merkez-i umûmî aʻzâsı, hem de murahhas olduğu zamân şu vazʻiyet hâsıl oldu. Bizim memleketde zâten çok murahhas gönderilemiyor. Meclis-i umûmî aʻzâsının adedi tenâkus ediyor. Münhasıran murahhaslık yapmasında diğer bir mahzûr yokdur. Ancak kendi icrââtının tenkîdi esnâ- sında bulunamayacağı tabîʻîdir. Münhasıran kongreyi teşkîl eden aʻzânın adedini tenkîs etmemek için hem murahhaslığın hem de merkez-i umûmî aʻzâlığının bir zât uhdesinde ictimâʻ etmemesi daha iyi olur, fikrindeyim. Bu bir. İkincisine gelince; bir zât müteʻaddid yerlerden murahhas olur. Yine aynı endîşe vardır. Binâenaleyh şöyle bir mâdde ilâve edecek olursa zannediyorum ki, bugün mesʼeleyi halletmiş oluruz. Merkez-i umûmî aʻzâlığı ile diğer mahal murahhaslığı bir zât uhdesinde ictimâʻ edemez. Zâten merkez-i umûmî aʻzâsı, aʻzâ-yı tabîʻiyeden olduğu için tekrâr bir de murahhas intihâb edilmesi iki reʼyin bir zât uhdesinde cemʻi demek olur". Faik Bey (Tekirdağı): "-Zâten mâdde bunu gösteriyor". Reîs: "-Takrîrler var". "-Riyâset-i Celîle'ye, Müteʻaddid mahallerden intihâb edilenler o mahalleri temsîl ederler. Ancak birer reʼyi olabilir. İzmir ve Çatalca Murahhası Osmanzâde Hamdi " *** "-Riyâset-i Celîle'ye, 1-Merkez-i umûmî aʻzâsının bir veya birkaç yerden aʻzâ olmasında mahzûr olmadığı nizâmnâ- mede menʻ edilmemekle sâbitdir. 2-Kaç yerden intihâb edilirse edilsin, her aʻzâ bir reʼy verebilirler. 3-Merkez-i umûmî aʻzâsının kendi icrââtları hakkındaki karârlara iştirâk edemeyecekleri tabîʻîdir. 4-Nizâmnâme taʻdîlâtı ayrıca yapılmak iktizâ eder. İşbu takrîrimin kabûlüyle rûznâmeye geçilmesini teklîf ederim, efendim. Konya Tevfik Fikret " Reîs: "-Efendim, bunlardan birisi daha şümûllüdür ve diğer mevâddı da ihtivâ ediyor". [471] Bozok Mebʻûsu Hamdi Bey (Bozok Murahhası): "-Hepsini okuyunuz paşam. Bir zât di- ğer bir yeri de temsîl eder. Fakat ancak bir reʼye sâhib olabilir. Türk Ocaklarında da öyledir". Reîs: "-Efendim bu, beyân-ı mütâlaʻa eden bazı arkadâşlarımızın fikrine muhâlifdir. O hâlde Tevfik Fikret Bey'in teklîf eylediği üç mâddeyi ayrı ayrı reʼye koyacağım. Evvelâ, merkez-i umûmî aʻzâlarının müteʻaddid mahallerden intihâbı câizdir. Fakat ancak bir reʼy vermeleri lâzım deniliyor". (Anlaşılmadı sesleri)