HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2814 Reîs: "-Efendim, şimdi yalnız merkez-i umûmî aʻzâsı mevzûʻ-ı bahisdir. Teklîf bu yoldadır. Burada nokta-i nazarlarını serd eden zevâtdan bir kısmı diğerine, merkez-i umûmî aʻzâları birçok yerlerden intihâb olunabilir. Yalnız kaç yerden intihâb edilirlerse edilsinler, bir reʼy verebilirler. Takrîrde teklîf edilen mâdde de budur. Celâl Bey de başka yerden intihâb olunamaz ve kabûl edemez. Mebʻûslarda olduğu gibi dedi. Celâl Bey'in teklîfi budur". "-Riyâset-i Celîle'ye, Nizâmnâmeye ber-vech-i âtî mâddenin ilâvesini arz ve teklîf ederim: Merkez-i umûmî aʻzâsı ile murahhaslık veyâhûd iki mahal murahhaslığı bir zât uhdesinde ic- timâʻ edemez. Çorum Mustafa " *** Riyâset-i Celîle'ye, 1-Merkez-i umûmî aʻzâsı yalnız bu aʻzâlık sıfatıyla kongreye iştirâk eder, başka yerden murah- haslığı kabûl edemez. 2-Bir zât yalnız bir mahallin murahhası olabilir. Birden ziyâde mahalli temsîl edemez. Tekirdağı Mehmed Faik " Faik Bey (Tekirdağı): "-Efendim, maʻlûm-ı âlîniz reʼy vermek için bir heyʼete aʻzâ intihâb olunur. Nizâmnâme diyor ki, her zât bir [r]eʼy sâhibidir. Diğer bir noktasında diyor ki, merkez-i umûmî aʻzâsı kongrenin de aʻzâsıdır. Ondan dolayı kongreye aʻzâ alınan merkez-i umûmî aʻzâsı bir reʼy sâhibidir. Yalnız kendi hesâbâtına âid olan şeylerde reʼy sâhibi değildir. Bunu nizâmnâme menʻ eder. Sonra bir aʻzâ birkaç yeri temsîl ederse birkaç reʼy sâhibi mi olacakdır, yoksa bir reʼy sâhibi mi olacakdır? Birkaç reʼy sâhibi olursa bu nizâmnâmeye muhâlifdir. Bir reʼy sâhibi olacaksa o zamân kendisini tevkîl eden diğer yerlerin hakkı zâyiʻ olur. Bu iʻtibârla merkez-i umûmî aʻzâsı yalnız mer- kez-i umûmî aʻzâsı olduğundan dolayı sâhib-i reʼydir. Sonra, kaç yerden intihâb olunursa olunsun, bir zât yalnız bir yeri temsîl edebileceği için hangisini tercîh ederse onun murahhası olur ve ancak o yerin nâm u hesâbına reʼy verebilir. 42'nci mâdde mûcebince meclis-i umûmî aʻzâsı birkaç yerden de murahhas olsa bir reʼy iʻtâ edebilir. 47'nci mâdde mûcebince merkez-i umûmî aʻzâsı kendi icrââtına müteʻallik olmayan husûsât- da reʼy sâhibidir. Bu husûsların reʼye konulmasını teklîf ederim. Gaziayıntab Ahmed Remzi "