HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2816 aʻzâsı tesbît etsinler, ondan sonra takrîri reʼyinize vazʻ edeceğim. Şâyed nizâmnâmenin taʻdîli mâ- hiyetinde değilse şimdi merkez-i umûmî aʻzâsı yalnız aʻzâlık sıfatıyla kongreye iştirâk eder, başka yerin murahhası olamaz. Bir zât yalnız bir yerin mümessili olur. Başka yeri temsîl edemez. Bu teklîf nizâmnâmenin taʻdîli mâhiyetinde midir değil midir? Taʻdîli mâhiyetindedir diyenler yani Remzi Bey'in fikrine iştirâk edenler el kaldırsınlar. (Taʻdîldir sesleri) Nizâmnâmenin taʻdîli mâhiyetinde değildir diyenler el kaldırsın. Efendim, bir kere de ayağa kalkmak sûretiyle reʼyinize mürâcaʻat ede- ceğim. Bu teklîfin nizâmnâmenin taʻdîli mâhiyetinde olduğunu söyleyenler lütfen ayağa kalksın. Ak- sini kabûl edenler ayağa kalksın. Nizâmnâmenin taʻdîli mâhiyetinde görülmemişdir. (Faik Bey'in takrîri tekrâr okundu.) Takrîri kabûl edenler lütfen el kaldırsın. Kabûl etmeyenler el kaldırsın. Kabûl edilmişdir". Reîs: "-Şimdi diğer takrîrler mevzûʻ-ı bahis olamaz. Mesʼele hallolundu. Rûznâmenin ikinci mâddesine geçiyoruz. Mâdde 3- Merkez-i umûmî tarafından takdîm edilen 1925 senesi raporuyla muvâzene-i hesâbi- yenin tedkîk komisyonunun tanzîm etdiği raporun buna müteʻallik mevâddının tedkîkini ve kabûlü hâlinde merkez-i umûmînin zimmetinin ibrâsı. Efendim, rapor tevzîʻ edilmişdir. Aʻzâ-yı kirâmın okumuş oldukları tabîʻîdir. Rapor hakkında beyân-ı mütâlaʻa edecek arkadâşlar beyân-ı mütâlaʻa eylesin". Ahmed Hamdi Bey (Bozok Mebʻûsu ve Murahhas): "-Raporu arkadâşlar daha bugün almışlar- dır. Celse-i âtiyeye taʻlîkı daha muvâfık olur, paşa hazretleri". Reîs: "-Rûznâmemizin ikinci mâddesinin teʼhîr-i müzâkeresini kabûl edenler el kaldırsın. Ka- bûl etmeyenler el kaldırsın. Kabûl edildi. Rûznâmenin üçüncü mâddesinde büdcenin… (Aynı mesʼeledir sesleri) Evet efendim, aynı mesʼeledir. Bunu da teʼhîr ediyoruz. Rûznâmenin dördüncü mâddesi şudur: Mâdde 4- Nizâmnâme-i esâsînin bazı mevâddının taʻdîli hakkında merkez-i umûmî teklîfâtı Merkez-i umûmî teklîfi: (Nizâmnâme-i esâsînin beşinci mâddesinde) 'Türkiye Hilâl-i Ahmer Cemʻiyeti Merkez-i Umûmîsi'nin müsâʻadesi olmadıkça kaydı ve Tür- kiye Hilâl-i Ahmer Cemʻiyeti Merkez-i Umûmîsi'nin esbâb-ı mûcibeye müstenid îcâbı bir karârı munzam olduğu takdîrde devletçe muktezâsı teemmül ve îfâ edilir' cümlesinin ilâvesi. Nizâmnâme-i esâsînin 22'nci mâddesini: 'Hilâl-i Ahmer Cemʻiyeti gerek teberruʻ ve gerek iştirâ ve teferruğ sûretiyle emvâl-ı gayr-ı menkûle temellük ve tasarruf edebilir' sûretinde, Meclis-i umûmîlerinin merâkiz ve şuʻabâtın bir sene-i kâmile zarfındaki hesâbât ve muʻâmelâtı- nı tedkîk ve murâkabesini teʼmîn etmek üzere 83'ncü mâddenin: [474] vilâyet meclis-i umûmîleri senevî ictimâʻlarını Şubat'ın ibtidâsında akdederler. 39'uncu mâddenin 'kazâ şuʻbe meclis-i umûmîleri her Kânûn-ı Sânî on beşinde başlamak üzere