HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2818 Kabûl edenler el kaldırsın. [475] Kabûl etmeyenler el kaldırsın. Kabûl edildi. Refik İsmail Bey (Beyoğlu Murahhası). Yedi zât oldu efendim. Nafiz Bey (Amasya), Kâmil Bey (İzmir), İbrahim Bey (Kocaeli), Mü- kerrem Bey (Isparta), Muhyiddin Bey (Bursa), Faik Bey (Kayseri), Refik İsmail Bey (İstanbul) (Rûznâmenin beşinci mâddesi okundu.) Mâdde 5- Nizâmnâme-i esâsînin 29'uncu mâddesi mûcebince buʻdiyet hasebiyle vazîfelerine devâm edemeyen merkez-i umûmî aʻzâları yerine yeniden intihâb icrâsı hakkındaki merkez-i umûmî karâr ve teklîfi Matbûʻ bir teklîf yokdur". Sıhhiye Vekîli Refik Bey: "-Müsâʻade ederseniz paşa hazretleri îzâhât vereyim. Efendim, 1925 meclis-i umûmîsinin merkez-i umûmî aʻzâlığına intihâb etdiği on zât muhtelif şehirlerde sâkin olduklarından şimdiye kadar merkez-i umûmî ictimâʻına iştirâk edemediler. Ekseri- yet bulmakda çok müşkilât çekiliyor. Merkez-i umûmîce düşündük. Heyʼet-i celîlenize arz ediyoruz. Kendileri geçen Ağustos'un on beşinden beri merkez-i umûmîye iştirâk etmedikleri için müstaʻfî addedilmeleri lâzım gelir. Nizâmnâme mûcebince bunların yerine meclis-i umûmîden on aʻzânın in- tihâbı îcâb ediyor. Mesʼele bundan ibâretdir. Müsâʻade buyurursanız isimlerini arz edeyim. İzmir'den Doktor Hulusi Bey, İstanbul'dan Nemlîzâde Cemal Bey, Adana Belediye Reîsi Ali Münif Bey, Bahri- ye mütekâʻidlerinden Mehmed Ali Bey, İzmir Hilâl-i Ahmer Reîsi Mustafa Bey, Samsun'da Yelken- cizâde Mustafa Bey, Erzurum Belediye Reîsi Nafiz Bey, Tıb Fakültesi Reîsi Müderris Neşet Ömer Bey, Hâriciye Vekâleti İstanbul Murahhası Nusret Bey, Adana'da Ağazâde Veli Bey. Bu zevât hiç iştirâk etmemişlerdir. Nizâmnâme mûcebince kendilerinin müstaʻfî addedilmeleri lâzımdır". Hakkı Şinasi Paşa (İstanbul, Merkez-i Umûmî aʻzâsından): "-Zâten heyʼet-i merkeziye iki türlü ictimâʻ eder. Alelâde, fevkalâde. Alelâdesi 21'le olur. Fevkalâdesi 11'le olur. Bu sene bu zevât devâm edemediğinden dolayı alelâde ictimâʻ edilememişdir. Dâimâ fevkalâde ictimâʻ etmeğe mecbûr kalın- mışdır. Zâten nizâmnâmede sarîhdir. Üç defa gelemeyen müstaʻfî addolunur". Faik Bey (Tekirdağı Mebʻûsu ve Murahhası): "-Zâten kâʻide-i umûmîdir". Reîs: "-Efendim, nizâmnâme mûcebince kongre bulunmadığı zamân münhal vâkiʻ olursa onlar- dan sonra gelenler mi aʻzâ intihâb olunur?" Hakkı Şinasi Paşa (İstanbul): "-Merkez-i umûmî aʻzâsından mevcûd var ise öyle efendim. Yok ise heyʼet-i merkeziye intihâb eder ve ilk kongreye arz eder". Reîs: "-Devâm edelim". Reîs: "-Cemal Bey (Nemlîzâde), Ali Münif Bey (Adana Belediye Reîsi), Mehmed Ali Bey (Hilâl-i Ahmer müessislerinden, Bahriye mîralâylarından), Mustafa Bey (Doktor, Hilâl-i Ahmer Reî- si), Yelkencizâde Mustafa Bey (Tüccâr), Nafiz Bey (Erzurum Belediye Reîsi), Neşet Ömer Bey (Mü- derris), Nusret Bey (Hâriciye Murahhası), Ağazâde Veli Bey (Tüccâr), Doktor Hulusi Bey merkez-i umûmî aʻzâlıklarından müstaʻfî addedilmesini kabûl buyuranlar lütfen el kaldırsın. Kabûl etmeyenler lütfen el kaldırsın. Müstaʻfî addolunmaları [476] kabûl edilmişdir. Bunların yerine nizâmnâme-i dâ- hilî mûcebince on kişi intihâb edilecekdir. Kongreye arz edilecekdir". Hakkı Şinasi Paşa (Merkez-i Umûmî aʻzâsından): "-Şimdi intihâb olunacakdır. Kongre mücte- miʻ iken kongre intihâb eder. Kongre müctemiʻ değil ise heyʼet-i merkeziye intihâb eder".