HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2820 Hakkı Şinasi Paşa: "-Efendim, rûznâmenin dokuzuncu mâddesi var. Matbûʻdur, verilmişdir. O da beş şeyden ibâretdir. Bendeniz bu beş şeyin de demin intihâb etdiğimiz komisyona havâlesini ricâ ediyorum. Hep berâber çıksın". Reîs: "-O hâlde demin intihâb etmiş olduğumuz encümen bu raporu, bir de rûznâmenin doku- zuncu mâddesindeki teklîfâtı tedkîk edecek. Bir de bazı takrîrler var. Bunlar da okunsun". "Hilâl-i Ahmer Kongresi Riyâset-i Aliyyesi'ne, Muʻaddel nizâmnâme-i esâsînin yetmiş dokuzuncu mâddesi mûcebince 'vilâyet meclis-i umûmîlerinin o vilâyet dâhilinde mukayyed aʻzânın ictimâʻıyla teşekkül etmesi' hâzım gelmekdedir. Hâlbuki vilâyet dâhilinde mukayyed aʻzânın velev kısmen olsun merkez-i vilâyetde ictimâʻ etdiril- mesi imkânsızdır. Meselâ dâire-i intihâbiyem olan Sinob'un mülhak kazâlarından birisi altı, diğeri on iki, diğeri de on sekiz sâʻat mesâfededir. Bu kadar mesâfeden aʻzânın gelip gitmesi kâbil olamadı- ğından bu sene Sinob meclis-i umûmîsi ictimâʻ etdirilemedi. Son defa da ancak merkez-i vilâyetdeki aʻzânın iştirâkiyle ictimâʻ akdedilebildi. Binâenaleyh mâdde-i mezkûrenin memleketin vazʻiyeti iʻti- bârıyla taʻdîline veya tefsîrine ihtiyâc vardır. Bu husûsun kongrece tezekkür edilerek maʻrûz kalınan müşkilâtın izâlesinin teʼmînini arz ve teklîf eylerim. Sinob Murahhası Nizameddin " *** "-Hilâl-i Ahmer Kongresi Riyâset-i Aliyyesi'ne, Vilâyet heyʼet-i merkeziye ve kazâlar şuʻabât heyʼet-i idârelerinde inhilâl vukûʻunda ne sûretle münhallâtın doldurulacağına ve aʻzâlığa kimin alınacağına dâir nizâmnâme-i esâsîde hiçbir sarâhat yokdur. Bu husûsun tezekkür ve bir karâra rabtını teklîf ederim. Sinob Murahhası Nizameddin " *** "-Hilâl-i Ahmer Kongresi Riyâset-i Aliyyesi'ne, Merâkiz ve şuʻabâta evvelce tevzîʻ edilmiş olan filigranlı makbûzların el-ân 'Taht-ı Himâye-i Mülûkânede Osmanlı Hilâl-i Ahmer Cemʻiyeti' damgasını hâvî olduklarından ve gerçi birinci kelime- ler karalanmak sûretiyle gâib edilmekde ise de 'Osmanlı' kelimesi makbûzların her tarafına filigran edilmiş olduğu cihetle bu makbûzların kâmilen merâkiz ve şuʻabâtdan istirdâdı ile Türkiye Hilâl-i Ahmer Cemʻiyeti nâmına yeniden makbûz tabʻ ve irsâl etdirilmesini teklîf ederim. Sinob Murahhası Nizameddin "