HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2821 Reîs: "-Efendim, bu takrîrlerden ikisi nizâmnâmede bazı taʻdîlât icrâsını mutazammındır. Encü- mene verelim. Birisi de taht-ı himâye-i mülûkânede gibi Hilâl-i Ahmer damgalarının değişdirilmesi hakkındadır. Bunu da doğrudan doğruya merkez-i umûmîye tevdîʻ ediyoruz. Hakkı Şinasi Paşa pek çok olduğu için çizerek kullanıyorlar. Birçok kâğıdlarımız vardır. Yani çok basılmışdır. Maʻamâfîh kongre tensîb ederse yeniden basılır". Sıhhiye Vekîli Refik Bey: "-Mevzûʻ-ı bahis olan makbûzlar eski makbûzlardır. İki buçuk sene evvel merkez-i umûmî deposundaki bütün mevcûdu tamâmen ihrâk edilmiş olup idâre-i merkeziye- den vilâyâta tevzîʻ edilen makbûzlar bunlardan değildir. Şuʻabâtda kalmış eskilerini bize gönderirler- se yenileriyle tebdîl ederiz". Reîs: "-O hâlde merkez-i umûmîye veriyoruz. Merkez-i umûmînin diğer teklîfâtı vardır. Onu da encümene veriyoruz. Bugünkü rûznâmemizde bazı telgrafnâme vardır. Maʻlûmât hâsıl olmak üzere okuyacağız". "-Ankara Hilâl-i Ahmer Kongresi Riyâset-i Celîlesi'ne, Hükûmet-i Cumhûriye Hilâl-i Ahmer kongresinin Ankara'daki ilk inʻikâdını tebrîk ve muvaffa- kiyât-ı mesʻûdesini temennî ederim. Hilâl-i Ahmer İstanbul Merkezi Reîsi Doktor Ali " *** "-Ankara'da Türkiye Hilâl-i Ahmeri, Türkiye Hilâl-i Ahmer Cemʻiyeti'nin umûmî kongresi münâsebeti ile Beynelmilel Komite cemʻiyetinizin muʻazzam faʻâliyetini selâmlar ve temenniyât-ı samîmânesini takdîm eder. Ador Beynelmilel Salîb-i Ahmer" *** "-Ankara'da Hilâl-i Ahmer Cemʻiyeti Meclis-i Umûmîsi Riyâset-i Celîlesi'ne, Meclis-i umûmînin küşâdı münâsebetiyle şuʻbemiz nâmına arz-ı tebrîkât ve takdîm-i taʻzîmâtla hayırlı muvaffakiyetler dilerim, efendim. Bitlis Hilâl-i Ahmer Cemʻiyeti Reîsi Arif " ***