HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2822 "-Ankara Hilâl-i Ahmer Umûmî Kongresi Riyâset-i Aliyyesi'ne, Kongre aʻzâ-yı kirâmını hürmetle selâmlar, kıymetdâr mesâʻîsinde muvaffakiyetler dileriz, efendim. Antalya Hilâl-i Ahmer Reîsi Doktor Galib " *** "-Ankara Hilâl-i Ahmer Kongresi Riyâset-i Celîlesi'ne, Ânî olarak zuhûr eden meşrûʻ maʻzeretim dolayısıyla kongreye iştirâk edemeyeceğimi teessür- lerimle arz ederken muvaffakiyetler temennîsiyle tebriklerimi, hürmetlerini sunarım. Kütahya Murahhası İmâm ve Hatîb Mektebi Müdürü Ahmed Tevfik " Reîs: "-Efendim, bu telgraflara makâm-ı riyâsetden münâsib cevâblar verilir". "-Riyâset-i Celîle'ye, İzmir ve Çatalca'dan Hilâl-i Ahmer kongresine intihâb edildim. İzmir anayurdum, Çatalca eme- ğim sebk eden ve pek ziyâde sevdiğim bir muhîtdir. Birini diğerine tercîh edemeyeceğimden her iki murahhaslıkdan istiʻfâ ediyorum. Osmanzâde Hamdi" Reîs: "-Efendim, şimdi rûznâmemizde başka bir mâdde yokdur. Çarşamba günü öğleden evvel sâʻat onda ictimâʻ etmek üzere taʻtîl ediyorum". [479] İkinci İctimâʻ 28 Nisan [1]926 Çarşamba Reîs – Reîs-i Sânî Mahmud Celâl Bey – Kâtibler: Tevfik Fikret Bey (Konya) – Celâl Sâhir Bey (İstanbul) Reîs: "-Efendim, celseyi küşâd ediyorum. Zabt-ı sâbık hulâsası okunacakdır". Reîs (İzmir Murahhası): "-Zabt-ı sâbık hakkında bir mütâlaʻa var mı efendim? (Hayır sesleri) Aynen kabûl edilmişdir. Rûznâme-i müzâkerâta geçiyoruz. Rûznâmenin ikinci mâddesi, raporlar müzâkere edilecekdir. Söz isteyen var mı efendim?"