HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2823 Isparta Mebʻûsu Mükerrem Bey (Isparta Murahhası): "-Tedkîk-i hesâb encümeninin raporun- da 1 şâyân-ı dikkat bir mülâhaza var. Eski heyʼetden müdevver hesâbâtın tasfiyesi için kendilerinin mesâʻîsi kâfi gelmediği için bahsediyorlar. Merkez-i umûmî de bu hesâbâtın tasfiyesi için heyʼet-i umûmiyece bir heyʼet-i hesâbiyenin intihâbını teklîf ediyorlar. Bu kayd-ı ihtirâzî ile reʼye konmak lâzımdır". Reîs (İzmir Murahhası): "-Efendim, heyʼet-i umûmiyesi kabûl edilirse esâsen mevcûddur. O, buyurduğunuzda yapılmış olacakdır. Başka bir mütâlaʻa var mı efendim? (Hayır sesleri) Aynen heyʼet-i umûmiyesini kabûl edenler lütfen işâret versinler. Kabûl edilmişdir". Giresun Mebʻûsu Kâzım Bey (Tedkîk Komisyonu aʻzâsından): "-Bu ayniyât tedkîk komisyonu için kaç aʻzâ intihâb olunacakdır?" Sıhhiye Vekîli Refik Bey (Merkez-i Umûmî'den): "-Biz üç kişi teklîf etmişdik, efendim. 15 Ağustos târîhinden evvelki anbâr hesâbâtının heyʼet-i cedîdeye devri esnâsında görülen mübâye- netleri tedkîk ve 927 meclis-i umûmîsine bi'l-arz karârını istihsâl etmek üzere mütehassıs üç zâtdan mürekkeb bir heyʼetin intihâbını ricâ etmişdik". Giresun Mebʻûsu Kâzım Bey (Tedkîk Komisyonu aʻzâsından): "-Reîs bey, bu üç kişilik ayniyat tedkîk komisyonunun karârlarının hüküm mâhiyetinde olmasını teklîf ediyorum". Reîs (İzmir Murahhası): "-Bir takrîr lütfediniz beyim". Isparta Mebʻûsu Mükerrem Bey (Isparta Murahhası): "-Hüküm mâhiyetinde olamaz. Çünkü o tedkîk komisyonu tarafından tanzîm edilecek rapor merkez-i umûmîye verilmek ve merkez-i umûmî tarafından yeniden tedkîk edilerek heyʼet-i aliyyeye arz edilmek ve herhangi bir şahıs hakkında taʻkî- bât icrâsı lâzım gelirse heyʼet-i umûmiyece bir karâr almak lâzımdır. Binâenaleyh hüküm salâhiyeti veremez". Ertuğrul Mebʻûsu İbrahim Bey (Kocaeli): "-Efendim, bendeniz vazîfe-i tahkîkiyeye meʼmûr edilecek heyʼete hüküm salâhiyeti verilmesine tarafdârım. Çünkü elinizdeki tedkîk raporunun 10 ve 13'üncü sahîfelerinde bir takım zevâta maʻtûf câlib-i dikkat beyânâta tesâdüf ediliyor. Bu mesʼele hakkında alâkadâr zevâtın mesʼûliyeti taʻyîn edilmez ve bir hükme rabt olunmazsa netîce-i katʻiye hâsıl olamayacakdır. Bu zevâtın haysiyeti ile'l-ebed dûçâr-ı tehlike olabilir. Binâenaleyh böyle bir heyʼeti salâhiyetle techîz etmek sûretiyle vazîfedâr eylemeğe ihtiyâc-ı katʻî vardır". Reîs (İzmir): "-Efendim, tedkîk heyʼeti karârlarının hüküm mâhiyetinde olmaması için bir takrîr [480] vardır, bir de bunun aksine olarak mütâlaʻa mevcûddur. Binâenaleyh ilk fikir tekaddüm etdiği için takrîr okunarak reʼyinize arz edilecekdir. Kabûl edilmediği takdîrde diğer arkadâşlarımızın mütâlaʻası tasvîb olunmuş bulunacakdır". "-Riyâset-i Celîle'ye, Ayıntab Tedkîk Heyʼeti'nin karârının hüküm mâhiyetinde addedilmesini teklîf eyleriz. Ayıntab Kâzım " 1 Bu raporu gelecek nüshamızda derc edeceğiz.