HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2466 ORMAN YANGINLARI Son günlerde İstanbul'a civâr olan ormanlarda sık sık vukûʻa gelen yangınlar münâsebetiyle Salîb-i Ahmer Cemʻiyetleri Heyʼet-i İttihâdiyesi neşriyâtı meyânında Kanada'da orman yangınlarına karşı müttehaz tedâbîre dâir tesâdüf etdiğimiz makâlenin fıkarât-ı mühimmesini aşağıya derc ediyo- ruz: Kanada'da 1923 senesinde orman yangınlarına mâniʻ olacak bir mücâdele teşkîlât planı mev- kiʻ-i tatbîke vazʻ edilmişdir. Her müfettiş, mıntıka-i teftîşâtı dâhilinde eşhâs ve malzeme nâmına mev- cûd vesâit-i itfâiyenin bir cedvelini tanzîme meʼmûr edilmiş olduğundan bu sûret, son derece serîʻ bir hareket-i imdâdiye tertîbini teʼmîn edmekle berâber izâʻa-i vakte de mâniʻ olmakdadır. Halk ve bilhâssa nakliyât, telefon ve şimendifer şirketleri meʼmûrîni bu teşebbüse vâsiʻ mikyâs- da muʻâvenet etmekdedir. 1923 senesinde 650 kişi kendi arzusuyla orman yangınlarına karşı murâkıb ve nigehbânlık vazîfesini hasbî olarak derʻuhde etmiş bulunuyordu. Bugün ormanların muhâfazasının eşyâ ve emtiʻa-i ticâriye misillü halka ve umûm nâsa beyʻ ve fürûht [204] edilmesi istilzâm edilmekde ve bu maksadla mütemâdî iʻlânât yapılmakdadır. 1923 senesinde ormanların muhâfazası için bir propaganda haftası tertîb ve gazetelerle birçok makâleler neşredilmişdir ve papaslar kiliselerde bu mevzûʻât üzerine mevʻizeler îrâd etmiş ve mek- teblerde ayrıca propagandalar yapılmışdır. Ticârethâneler camekânlarına "ormanlarınızın muhâfazasıyla alâkadâr olursanız kendiniz için hakîkî bir menfaʻat teʼmîn edersiniz" levhalarını taʻlîk etmişlerdir. Otomobillerin ön camlarına ilsâk edilmek üzere 150.000 reklâm tevzîʻ edilmiş ve mektebler arasında açılan müsâbakaya iştirâk eden 10.000 çocukdan 48'i mazhar-ı mükâfât görülmüşdür. Orman yangınları hakkında mevzûʻ kavânîne vukûf beyne'l-halk gitdikçe taʻammüm etmek- dedir. 1922 senesinde bilâ-meʼzûniyet âteş yakmak cürmünden 111 daʻvâ ikâme edildiği hâlde 1923 senesinde yalnız 35 zabıtnâme tanzîm edilmişdir. 1923 senesinde 1.530 orman yangını vukûʻ bulmuş- dur ki, bu rakam 1922 senesine nisbet edilecek olursa % 41 bir tenâkus görülür. Orman yangınlarında yıldırım başlı başına bir sebeb teşkîl etdiği müşâhedât ve tedkîkât netîce- sinde anlaşılmışdır. Kanada'da orman yangınlarının yüzde 18'i yıldırımdan, yüzde 17'si ormanlar civârında konak- lamalardan zuhûr etdiği hâlde şimendiferlerin, fabrikaların, ağaçlar altına düşen dal ve çalı çırpıların sebebiyet verdiği yangınlarla tütün içenlerin kayıdsızlığından vukûʻ bulan harîkler % 11'den 13 ka- dardır. Bu yangınların îkâʻ etdiği hasâr 700.000 dolar tahmîn ediliyor. İngiliz Kolombiyası'nı tamâmen setr eden cesîm ormanların muhâfaza ve himâyesini teʼmîn eden ahkâm-ı kânûniye pek şedîd olup arzu eden zevâta birer nüsha irsâl edilmekdedir. Masârıf-ı muhâkeme hâric olmak üzere orman cerâimi cezâ-yı nakdîleri 25 dolar ile 300 dolar arasında tehâlüf eder. Yemek ihzârı, teshîn, bir orman yangınının önüne geçmek, tarla açmak, düşen yaprak ve dal gibi kâbil-i iştiʻâl şeyleri yakmak, ve'l-hâsıl sınâʻî bir mâhiyeti hâiz olmayan ve nezâret-i âidesi ta- rafından müsâʻade edilen husûsâtdan gayrı ahvâlde ormanlık mıntıkasına yarım milden az mesâfe