HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2828 tamâmen tasfiyesi için encümenimizin nokta-i nazarı şudur: Gerek merkez-i umûmî nezâreti altında olsun ve gerek tedkîk [485] encümeni nezâreti altında olsun, muvazzaf hesâb heyʼeti teşekkül eder. Zâten tabîʻatıyla merkez-i umûmî kendilerinin selefi olan merkez-i umûmînin hesâbını devralmak için tasfiye edilmiş bulmaları ve vâzıh şekilde muʻayyen erkâm üzerinde tesellüm almaları tabîʻîdir. Binâenaleyh o tasfiye-i hesâbât yapılacakdır. Bu meyânda Eskişehir hesâbâtı da tasfiyeye tâbiʻdir. Zâten Eskişehir hesâbâtı, Ankara hesâbâtı, diğer merkez-i umûmînin hesâbâtı arasındadır. Birbirine giriftdir. Alınmış, verilmişdir. Şu takdîrde bütün hesâbâtın tasfiyesiyle muvazzaf bir hesâb heyʼeti te- şekkül eder. Bu sene merkez-i umûmî tasfiye netîcesinde devralır. Bir de tedkîk vazîfesiyle devralırsa da o zamân tedkîk vazîfesiyle mükellef bir heyʼete yâhûd yeni herhangi bir heyʼete havâle olunarak tedkîk komisyonu hem devri tedkîk eder hem de bu meyânda murahhaslık hesâbâtını tedkîk eder. Binâenaleyh ibrâ ancak gelecek sene hâsıl olacak kanâʻate göre yapılabilecekdir". Reîs (İzmir Murahhası): "-Efendim, kifâyet-i müzâkereyi evvel emirde reʼyinize koyacağım. Bu mesʼele hakkında müzâkereyi kâfi görenler lütfen işâret buyursunlar. Müzâkere kâfi görülmüş- dür". (Kocaeli Murahhası İbrahim Bey'in takrîri okundu.) (Isparta Murahhası Mükerrem Bey'in takrîri okundu.) (Beyoğlu Murahhası Salahaddin Bey'in takrîri okundu.) "-Makâm-ı Riyâset'e, Hilâl-i Ahmer muʻâmelât-ı hesâbiyesinin merkez-i umûmî heyʼet-i hâzırasına pürüzsüz ve şü- bhesiz bir hâlde intikâl edebilmesi için elimizdeki raporda anbâr, çiftlik, maʻâş, altın hesâbı, ayniyât eşyâsı gibi tedkîkine lüzûm gösterilen kâffe-i emvâl ve nükûda âid muʻâmelâtın tahkîki ve hükümlü raporunun gelecek sene kongresine arzı husûsunun intihâb edilecek tedkîk komisyonuna tevdîʻini teklîf ederim. Kocaeli Murahhası İbrahim " *** "-Riyâset-i Celîle'ye, Tedkîk hesâbât encümeninin hem hesâbât-ı ayniye hem hesâbât-ı nakdiye hakkında tedkîkât ic- râsı lâzım olduğuna ve heyʼet raporundan ve îzâhâtdından bu cihetlerin tamâmıyla tedkîk ve intâcına imkân hâsıl olmadığı anlaşılmasına mebnî kongreye yine bu sene zarfında intihâb olunacak heyʼete eski heyʼetde dâhil bulunan arkadâşların tefrîk ve intihâbıyla ve bunlara hâricden lüzûmu derecede bir, iki, üç muvazzaf meʼmûr istihdâmı salâhiyetinin iʻtâsıyla gelecek sene kongresine kadar bütün bu hesâbâtın tasfiye ve tedkîkine ve rapor tanzîmine meʼmûr edilmelerini arz ve teklîf ederim. Isparta Ekrem " ***