HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2829 "-Riyâset-i Celîle'ye, Kongrece intihâb edilecek tedkîk heyʼetine lüzûm görülecek hesâbâtın rüʼyeti ve evrâk-ı müsbetelerinin tasnîf ve muʻâmelât-ı müteferriʻa-i sâireyi îfâ ve ihzâr etmek üzere muvazzaf hesâb meʼmûrları taʻyîn etmek salâhiyetinin iʻtâsını teklîf ederim. Beyoğlu Murahhası Salahaddin " Reîs (İzmir Murahhası): "-Efendim, takrîrler umûmiyet iʻtibârıyla bunun tedkîkini ve gelecek sene [486] heyʼet-i umûmiyeye katʻî ve muvazzah olarak mesʼelenin arzını ve tâlî olarak teşkîl oluna- cak komisyona lüzûm gördüğü takdîrde îcâb etdiği kadar muvazzaf meʼmûr istihdâm edebilmek salâ- hiyetinin verilmesini teklîf ediyorlar. Binâenaleyh bu takrîrler mündericâtına göre tedkîk heyʼetinin îcâbında muvazzaf meʼmûrlar da istihdâm etmek salâhiyetini hâiz olmak ve bir rapor üzerine henüz hallolunmayan mevâddın bi't-tedkîk muvazzah ve müdellel olarak gelecek sene meclis-i umûmîsine iʻtâ etmek üzere salâhiyet iʻtâsını kabûl edenler lütfen işâret versinler. Kabûl edilmişdir, efendim". Sıhhiye Vekîli Refik Bey (Merkez-i Umûmî'den): "-Geçen sene kongresi tarafından yeni mer- kez-i umûmîye havâle edilmiş bir Hindistan mesʼelesi vardır. Müsâʻade ederseniz bunun hakkında bu vesîle ile de maʻlûmât arz edeyim". (Kongreye alâkadâr mıdır? sesleri) Kâzım Bey (Giresun, Tedkîk Komisyonu'ndan): "-Tabîʻî efendim, bilançolarda vardır". Refik Bey (Merkez-i Umûmî'den): "-Efendim, 1925 senesi kongresinde verilen bir takrîr üze- rine Hindistan'da Hilâfet Komitesi'nin elinde olup Hilâl-i Ahmer'e âid bulunan mebâliği almak üzere iki merkez-i umûmî tarafından Hindistan'a gönderilen heyʼet mesʼelesinin intâc ve tedkîkini yeni heyʼet-i merkeziyeye havâle buyurmuş. Biz vazîfeyi tesellüm etdiğimiz zamân fi'l-hakîka Hindis- tan'da bir heyʼet mevcûd idi. Evvelâ gönderilen raporları, mevcûd vesâiki tedkîk etdik. Bilâhare heyʼetin reîsi bulunan İsmail Besim Paşa avdetini kendilerine yazdık. Çünkü vazʻiyeti tavzîh için be- hemahâl kendilerinin gelmesi lüzûmlu idi. Aynı zamânda Hindistan işini heyʼet-i idârenin üç aʻzâsına yani İstanbul Mebʻûsu Tevfik Kâmil Bey ve Dîvân-ı Muhâsebât Reîsi Fuad Bey, Çubukçuzâde Arif Bey'den mürekkeb bir heyʼete vesâiki ile birlikde tevdîʻ etdik. O esnâda İsmail Besim Paşa da ken- dilerine îzâhât verdiler. Bi'n-netîce mesʼele bir karâra iktirân etdi ve heyʼet-i idâre bu sene merkez-i umûmîye arz etdi. Uzun müzâkerât cereyân etdi. Netîce biraz sonra arz edeceğim karâra müntehî oldu. Binâenaleyh geçen sene kongresi karârıyla heyʼet-i merkeziyenin üzerinde bulunan bu vazîfeyi heyʼet-i celîlelerinize arz etmek de bizim için bir borçdur. Şu netîceye vâsıl olduk. Beyefendiler! Heyʼet-i idâre ve merkez-i umûmînin kabûl etdiği karârı heyʼet-i celîlenize aynen okuyorum: Heyʼet-i idâre Hindistan mesʼelesini mütâlaʻa ve arasından ayırdığı üç zâtdan müteşekkil heyʼet vâsıtasıyla mevcûd vesâiki tedkîk etdikden ve zevât-ı müşârunileyhimin tanzîm eyledikleri raporu mütâlaʻa etdikden sonra netîce-i âtiyeye vâsıl olmuşdur: a) Tevfik Bey'in derhâl celbi, b) Vesâikde mevcûdiyeti dermeyân edilen emvâl-i menkûle ve gayr-ı menkûlenin Hind Hilâfet Komitesi vâsıtasıyla fürûhtu için mezkûr emvâlin yine mezkûr komitenin tavassutuyla satılmasının teʼmîni ve esmân-ı bâliğasının celbi için mezkûr heyʼete mürâcaʻat edilmesi,.