HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2833 123'üncü mâddeye son fıkra olarak "vilâyet merkezleri her sene Kânûn-ı Sânî, Nisan, Tem- muz ve Teşrîn-i Evvel bidâyetlerinde muhâsebe taʻlîmâtnâmesi mûcebince tanzîm edecekleri hesâb hulâsalarını ve Kânûn-ı Sânî'nin on beşinde heyʼet-i merkeziyelerince tasdîk edilmiş olan bir sene-i kâmile zarfındaki vâridât ve sarfiyât icmâllerini ve Kânûn-ı Evvel nihâyetinde de mevcûd nakidlerini merkez-i umûmîye göndermeğe mecbûrdurlar" ibâresinin ilâvesi, 134'üncü mâdde 133'üncü olarak ve 133'üncü mâddedeki 1327 [1911] târîhinin 1326 [1910] olarak tashîhi, 2-Yine komisyonumuza havâle olunan rûznâmenin 9'uncu mâddesindeki merkez-i umûmî teklîfâtı kabûl edilerek birinci fıkraya "intihâb olunacak komisyonun eski ve yeni merkez-i umûmî- den olmamak şartıyla" kaydının ilâvesi sûretiyle ve 2, 3'üncü fıkralarının aynen ve 4'üncü fıkrasının "heyʼet-i idâre ve merkez-i umûmîye karşı mesʼûl olmak üzere kâtib-i umûmî unvânıyla dirâyet ve ehliyetine göre 200 ilâ 500 liraya kadar ücret-i şehriye verilmek üzere bir zâtın istihdâmı ve işbu mas- rafın büdcedeki kâtib-i umûmî tahsîsâtına ilâveten masârıf-ı gayr-ı melhûzadan tesviyesi" sûretiyle taʻdîlen kabûlü, Komisyonumuza havâle edilen teklîfât vesâire. 3-Sinob murahhası tarafından kazâ ve vilâyet heyʼet-i merkeziyeler münhallâtının ne sûretle doldurulacağı hakkındaki takrîri tedkîk kılınarak nizâmnâme-i esâsînin merkez-i umûmî münhal- lâtına aʻzâ taʻyîni hakkındaki 54'üncü mâddesinin vilâyet merkezleri ve şuʻbe heyʼetlerine de tatbîki sûretiyle mâdde-i mezkûrenin tefsîri lâzım geleceği 4-Sinob murahhasının vilâyet meclis-i umûmîlerinin sûret-i ictimâʻı hakkındaki teklîf-i tahrîrîsi lede't-tedkîk vilâyet meclisleri o vilâyetin neresinde bulunursa bulunsun, 50 aʻzâ ile inʻikâd edecek- dir. Herhangi aʻzâdan bu mikdâr ekseriyet hâsıl olmazsa ikinci defa vâkiʻ olacak ictimâʻda isbât-ı vü- cûd edecek aʻzâ mikdârıyla celse açılır hakkındaki nizâmnâme-i esâsînin 79 ve 82'nci mâddelerinde sarâhat mevcûd olduğundan taʻyîn-i muʻâmeleye mahal görülemediği 5-Beyoğlu Murahhası Hekîmbaşızâde Doktor Muhyiddin Bey, İstanbul Murahhası İbrahim Talîʻ Bey, Afyon Mebʻûsu Ali Bey ve rüfekâsının Hilâl-i Ahmer'e menâbiʻ-i vâridât teʼmîni ve aʻzâ- yı müessesenin fâhir aʻzâ olarak kayıdlarının îfâsına müteʻallik 7 mâddeden ibâret teklîfâtın iktizâ-yı îfâ kılınmak üzere merkez-i umûmîye havâlesi münâsib olacağı mütâlaʻasında bulunduğumuzu arz eyleriz, efendim. Isparta Mebʻûsu Mükerrem İbrahim Bey (Kocaeli): "-Efendim, rapor tabʻ ve tevzîʻ olunsun, tedkîk olunsun veyâhûd şimdi fıkra fıkra okunsun, müzâkere edilsin". Reîs (İzmir): "-Efendim, fıkra fıkra müzâkere [491] edilecek, reʼyinize o sûretle arz olunacakdır. Nizâmnâme-i esâsînin beşinci mâddesi 'Türkiye Hilâl-i Ahmer Cemʻiyeti Merkez-i Umûmî- si'nin müsâʻadesi olmadıkça Türkiye dâhilinde ecnebî devlete âid bir Hilâl-i Ahmer veya Salîb-i Ah- mer şuʻbesi açılamaz. Taleb olunan müsâʻadenin reddi hâlinde merkez-i umûmî esbâb-ı mûcibe gös- termeğe mecbûr değildir'. Bu şekilde taʻdîl teklîf olunuyor".