HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2835 Hakkı Şinasi Paşa (Merkez-i Umûmî'den): "-Maʻlûm-ı âlîniz cemʻiyetimiz beynelmileldir ve onun nizâmâtına tâbiʻdir. Bu nizâmnâmeye bu defa koyduğumuz mâdde bi'l-umûm yerlerde kabûl olunmuşdur. Evvelen İsviçre Salîb-i Ahmeri enterese olur. Hepsinin nizâmnâmelerinde mevcûddur ve onun için konulmuşdur". Faik Bey (Tekirdağı): "-Başka memleketlerin Salîb-i Ahmerlerinde var mıdır?" Hakkı Şinasi Paşa (Merkez-i Umûmî'den): "-Vardır, hepsinde vardır". Reîs (İzmir): "-Başka söz isteyen var mı efendim? O hâlde müzâkere kâfi addediliyor. Takrîrler okunacakdır. Bir taʻdîl teklîfi vardır. Evvelen o okunacakdır. "-5'inci mâddenin şu sûretle taʻdîlini teklîf ederim: Taleb olunursa merkez-i umûmînin mütâlaʻası alındıkdan sonra hükûmetçe îcâbı teemmül olunur. Beyoğlu Murahhası Salahaddin " (Encümenin tesbît etdiği mâdde tekrâr okundu.) Taleb olunurdan sonra 'taleb olunursa merkez-i umûmînin mütâlaʻası alındıkdan sonra îcâbı devletçe teemmül olunur' şeklindedir. Bu sûretle bir taʻdîl teklîfi vardır. Taʻdîl teklîfini kabûl edenler işâret buyursunlar, efendim. Kabûl edilmişdir. Nizâmnâme-i esâsînin 23'üncü mâddesinde 'Hilâl-i Ahmer Cemʻiyeti gerek teberruʻ gerek iş- tirâ ve teferruʻ sûretiyle şehir ve köy dâhil ve hâricinde emvâl-i gayr-ı menkûle temellük ve tasarruf edebilir'. Bundan 'şehir ve köy dâhil ve hâricinde' kaydının encümen, tayyını teklîf ediyor". (Muvâfık sesleri) Sıhhiye Vekîli Refik Bey (Merkez-i Umûmî'den): "-Bu, efendim geçen sene kongrece kabûl edilmiş olan nizâmnâmede mevcûddur. Hükûmete berây-ı tasdîk verildiği zamân Cemʻiyetler Kânû- nu 'na muhâlif olduğu için bu mâdde tayyedilmişdir". Reîs (İzmir): "-Tay fıkrasını kabûl edenler lütfen işâret versinler. Kabûl etmeyenler işâret ver- sinler. Kabûl edildi. 31'inci mâddenin fıkra-i ahîresinde 'Mart kelimesi Nisan'a tebdîl edilecek. Mâdde 31- Türkiye Hilâl-i Ahmer Cemʻiyeti merkez-i umûmî tarafından idâre olunur. Meclis-i umûmî, merkez-i umûmî aʻzâsı ve Hilâl-i Ahmer'e [493] meʼmûr berrî ve bahrî askerî murahhasla- rıyla vilâyet murahhaslarından terekküb eder. Her sene Mart içinde meclis-i umûmî âdiyen ve lüzûm üzerine 48'inci mâdde mûcebince fevkalâde olarak ictimâʻ eyler. Mütâlaʻa var mı? (Yokdur sesleri) Kabûl edenler lütfen işâret etsinler. Kabûl etmeyenler işâret etsinler. Kabûl edildi. 37'nci mâddenin son fıkrasında 'murahhaslara harcırâh veya tazmînât verilmez' yerine 'mu- rahhaslara masârıf-ı seferiye ve zarûriyelerine mukâbil mahalleri meclis-i umûmîlerince 123'üncü mâddedeki kayıd dâhilinde olmak şartıyla tazmînât verilebilir' şeklinde taʻdîli teklîf olunur. Mütâlaʻa var mı efendim?" Mustafa Bey (Çorum): "-Bu tazmînât kimin tarafından verilecekdir? Şuʻabât tarafından mı?"