HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2467 bulunan bir mahalde 1 Mayıs'dan Teşrîn-i Evvel'in birinci gününe kadar âteş yakmak memnûʻdur. İşbu son üç ahvâlde hükûmetden müsâʻade istihsâli lâzımdır. Hükûmet, selâmet-i umûmiye nâmına fâideli addetdiği takdîrde bu müsâʻadeyi reddetmek hak- kını muhâfaza eder. Eyyâm-ı memnûʻada, Mayıs'dan Teşrîn-i Evvel'e kadar yanmış bir sigarayı atmak veya mevâdd-ı infilâkiye istiʻmâl etmek sûretleriyle ormanlara âteş veren kimseler yangının itfâsı için vukûʻ bulacak masârıfı tesviyeye mecbûrdurlar. Bir lokomotifin tevakkufunu müteʻâkib bekçiler etrâf ve civârı iki sâʻat devir ve teftîş ederler. İtfâ-yı harîke mahsûs âlât ü edevât sûret-i dâimede hâzır bulundurulur. Lokomotif ve fabrika bacaları kıvılcımların dağılmasına mâniʻ olacak bir âletle mücehhez ola- cakdır. Yangına karşı kâffe-i vesâit-i mâniʻ ittihâz edilmediği takdîrde fabrikaların işlemesini mehâ- kim menʻ edebilir. [205] Lokomotif ocaklarındaki âteşli küller akîb-i ihrâcında söndürülmek şartıyla bir bekçinin huzûrunda hat hâricine dökülebilir. Şimendifer kumpanyaları aksi sâbit oluncaya kadar hattın 300 kadem muhîtinde zuhûr edecek yangınlardan muʻâteb tutulurlar. İşletme müsâʻadesi iʻtâ edilmezden mukaddem hutût-ı cedîde üzerinde bulunacak bi'l-cümle mevâdd-ı müştaʻile başka bir mahalle nakledilmek îcâb eder. Hat boyunda vukûʻ bulacak yangınları itfâ için şimendifer kumpanyaları, meʼmûrîn-i muktezi- yeyi tedârük edecek ve bunların maʻâşâtını verecekdir. Lokomotif kıvılcımlarından zuhûr edecek yangınlardan kumpanya 200'den 1.000 dolara kadar bir cezâ-yı nakdîye mahkûm edilir. Hat üzerinde bulunacak talaş, yonga vesâir enkâz-ı haşebiye ber-mûceb-i nizâm refʻ ve ihrâk edilir. Hükûmet, bunun icrâ edilip edilmediğini teftîş ve îcâb eden meʼmûrîni iʻtâ etmek hakkına mâlikdir. Orman ve ağaçlık arâzî ashâbı umûmî tehlike teşkîl eden bi'l-cümle mevâdd-ı müştaʻileyi vukûʻ bulacak taleb üzerine kaldırmağa mecbûrdur. Ahkâm-ı nizâmiyeye riʻâyet edilmediği takdîrde masârıf baʻdehû ashâbından tahsîl edilmek üzere hükûmet ameleyi kendi nâm u hesâbına çalıştırır. Bir yangın mukaddimesini müşâhede eden her ferd harîkın tevessüʻüne meydân vermemek için sarf-ı gayret ve meʼmûrîn-i âidesine ihbâr-ı keyfiyet etmekle mükellefdir. Sanâyiʻ ashâbı mülklerinde zuhûr edecek yangınları kendi masraflarıyla itfâ etdireceklerdir. Bazı ahvâlde masârıf-ı mezkûre orman tahsîsâtından tesviye ve yangın bir felâket ve musîbet hâlini aldığı vekâyiʻde, tekmîl mesâʻî taʻtîl edilir. Şirketlerin işbu nizâmâta muhâlif harekâtı tebeyyün ederse masârıf-ı vâkıʻanın taraflarından teʼdiyesi îcâb eder. Bir felâket şeklini alan yangınlarda hayât ve emvâl, dûçâr-ı tehlike olursa hükûmet tehlikeli mıntıkaya dühûlü menʻ ve mesâʻî-i sınâʻiyeyi taʻtîl etmek ve gençleri iftâ-yı harîkde çalışdırmak hakkına mâlikdir. Taʻtîl-i mesâʻî için verilen emri ısgâ etmeyenler yangına karşı mücâdele devâm