HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2837 edilerek netîcede yüzde kırk asgarî bir had olmak üzere kabûl olundu. Şimdi bir de murahhas tahsîsâtı diye bir şey kesmek doğru olamaz". Faik Bey (Tekirdağı): "-Efendim, Hilâl-i Ahmer taşra teşkîlâtının vâridâtı az olmakla berâber zannedersem teşkîlât adedi pek fazladır". Hakkı Şinasi Paşa (Merkez-i Umûmî'den): "-Yalnız vilâyet merkezlerinden murahhas gelecek- dir, efendim". Faik Bey (Tekirdağı): "-Bu memleketin genişliğine ve gelecek murahhasların ihtiyâr edeceği masrafa bakılacak olursa hayli yekûn tutacağı anlaşılıyor. Eğer merkezlerin vâridâtının yüzde kırkı müsâʻid ise kendileri murahhaslarının harcırâhı vererek göndersinler. Vâridâtı müsâʻid olmayan yer- lerde tazmînât vermeğe lüzûm görmeyecek aʻzâyı şimdi olduğu gibi intihâb etsinler. Yoksa merkez-i umûmînin büdcesi buna mütehammil değildir". Hakkı Şinasi Paşa (Merkez-i Umûmî'den): "-61 vilâyet vardır, efendim. Dehşetli yekûn tutar". Mükerrem Bey (Isparta): "-Efendim, harcırâhların mahallince verilmesi esâsdır. Mahallî vâ- ridât veya yüzde kırklar kâfi gelmezse onun için ayrı bir zemîn-i müzâkere açılabilir. Sonra şimdi hâtırıma başka bir nokta-i nazar geldi. Murahhas nisbeti değiştirilerek her vilâyetden birkaç murahhas yerine bir murahhas alınabilir. Fakat harcırâhları her hâlde mahallerine bırakmak lâzımdır". Reîs (İzmir): "-Başka söz isteyen var mı efendim? (Başka söz isteyen olmadı.) Efendim, nizâm- nâmede murahhaslara tazmînât veya [495] harcırâh verilmesi kaydı vardır. Encümen bunun tayyı- nı teklîf ediyor. Evvel emirde bu mesʼele hakkında karârınızı ricâ edeceğim. Nizâmnâmenin 37'nci mâddesinin son fıkrasındaki murahhaslara tazmînât veya harcırâh verilmez kaydının tayyını kabûl edenler lütfen işâret versinler. Kabûl olunmuşdur. İkinci mesʼele, harcırâhın veya masârıf-ı seferiye ve zarûriyenin merkez-i umûmîden veya gön- derilen yerlerden verilmesi mevzûʻ-ı bahisdır. Merkez-i umûmîden teʼdiyesi hakkında bir taʻdîl teklî- fi vardır. Evvel emirde onu reʼyinize arz edeceğim. "-Riyâset-i Celîle'ye, Kongre murahhaslarına verilecek yol masraflarının merkez-i umûmî bütçesinden iʻtâsı sûretiy- le mâddenin tanzîmini teklîf ederiz. İstanbul Murahhası Celâl Sâhir Beyoğlu Murahhası Salahaddin " Reîs (İzmir): "-Efendim, bunu Mükerrem Bey'in buyurdukları gibi taʻdîl edersek düşünülen mahzûrlar da bertaraf olur". Salahaddin Bey (Beyoğlu): "-Efendim, bir de nizâmnâmede iki yüzde bir nisbetinde murahhas intihâbı gösterilmişdir. Bu nisbet çok murahhas iʻzâmını istilzâm eder. 500'den aşağı olursa her hâlde her vilâyet bir murahhas gönderir". Reîs (İzmir): "-Beyler mütâlaʻâtınızı birer takrîrle lütfederseniz encümene tevdîʻ eyleriz".