HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2838 Mükerrem Bey (Isparta): "-Efendim, takrîrler encümene havâle edilirse burada tedkîk eder ve muʻaddel şeklini arz ederiz". Doktor Mustafa Bey (Çorum): "-Efendim, birkaç şekil tebârüz ediyor. Bunlardan birincisi masâ- rıfın merkez-i umûmîce verilmesi, ikincisi mahallerince tesviyesi, üçüncüsü de merkez-i umûmînin bir nisbet dâhilinde iştirâkidir. Sonra bey arkadâşlarımızın dediği gibi yapılırsa aded-i aʻzâ mesʼele- sinde gâyet yanlış bir yola gitmiş oluruz. Eğer beş yüz dersek ancak vilâyetlerin beşinden, altısından murahhas getirtebilmek mümkün olur. Binâenaleyh takrîri esâs iʻtibârıyla kabûl etmiş olmayalım, encümene havâle edelim". Reîs (İzmir): "-Efendim, bunlar encümene gider, orada formüle edilir. Sonra heyʼet-i umûmiye- ye gelir. Bu takrîr nazar-ı mütâlaʻaya alınırsa encümene gider, formüle edilir gelir. Nazar-ı mütâlaʻaya alınmazsa masârıfın merkez-i umûmîden tesviyesi esâsı kabûl edilmemiş olur. Ona göre bir de encü- menin metnini heyʼet-i umûmiyenin tasvîbine arz ederiz. Yalnız aʻzânın adedinin nisbeti üzerine ikinci bir fikir dermeyân olundu ki, bunun hakkında elimde bir takrîr yokdur, efendim. Şimdi birkaç takrîr geldi, okuyorum: Riyâset-i Celîle'ye, Otuz yedinci mâddenin ikinci cümlesinin 'mukayyed aʻzâsı beş yüzden az olan vilâyetler aʻzâ adedi ne olursa olsun, bir murahhas gönderebilirler' şeklinde tebdîlini teklîf ediyoruz. İstanbul Murahhası Celâl Sâhir İstanbul Murahhası Mehmed Rıza *** [496] Riyâset'e, Vâridâtı müsâʻid olan şuʻbelerce murahhasların masârıf-ı zarûriyesinin iʻtâsı, müsâʻid olma- yanlarca merkez-i umûmî tarafından iʻtâsı sûretiyle mâddenin taʻdîlini arz ve teklîf ederim. Bitlis Muhyiddin Nâmi *** Riyâset'e, Her vilâyet merkezi meclis-i umûmîye kendi mıntıkası dâhilinde mukayyed olup âidât-ı se- neviyesini tamâmıyla îfâ etmiş olan aʻzâsının reʼy-i hafîsiyle ve beş yüzde bir nisbetinde murahhas gönderir. Mukayyed aʻzâsı beş yüzden dûn olan vilâyetler adedi ne olursa olsun, bir murahhas gön- derebilirler. 37'nci mâddenin bâlâdaki şekilde kabûlünü teklîf ederim. Beyoğlu Salahaddin "