HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2842 Efendim, komisyon 123'üncü mâddeye son fıkra olarak 'vilâyet merkezi her sene Kânûn-ı Sânî, Nisan, Temmuz ve Teşrîn-i Evvel bidâyetlerinde muhâsebe taʻlîmâtnâmesi mûcebince tanzîm ede- cekleri hesâb hulâsalarını ve Kânûn-ı Sânî'nin on beşinde heyʼet-i merkeziyelerince tasdîk edilmiş olan bir sene-i kâmile zarfındaki vâridât ve sarfiyât icmâllerini ve Kânûn-ı Evvel nihâyetinde de mevcûd nakidlerini merkez-i umûmîye göndermeğe mecbûrdurlar' ibâresinin ilâvesini teklîf ediyor. Bu husûsda mütâlaʻa var mı efendim? (Mütâlaʻa yokdur.) Kabûl edenler lütfen işâret versinler. Kabûl olunmuşdur. Efendim, 134'üncü mâdde 130'uncu olarak ve 133'üncü mâddedeki 1327 [1911] târîhinin 1326 [1910] olarak tashîhi teklîf ediliyor". Mükerrem Bey (Isparta): "-Efendim, bu sehv-i mürettib olarak öyle yazılmışdır. Tashîhini taleb ederiz". Reîs (İzmir): "-Efendim, komisyonun teklîfi vechile tashîhini kabûl edenler lütfen işâret versin- ler. Kabûl olunmuşdur". "-Riyâset-i Celîle'ye, Nizâmnâmenin 131'inci mâddesinin şu sûretle taʻdîlini teklîf eyleriz: Nizâmnâme-i esâsînin tecdîd veya bazı mevâddının taʻdîli merkez-i umûmî tarafından verile- cek esbâb-ı mûcibe mazbatası veya meclis-i umûmî aʻzâsından on zâtın vereceği takrîr üzerine mec- lis-i mezkûrca bi'l-müzâkere ekseriyet-i sülüsân-ı ârâ ile kabûl edilmeğe mütevakkıfdır. İstanbul Murahhası Celâl Sâhir Beyoğlu Murahhası Salahaddin Beyoğlu Murahhası Ramiz " Sıhhiye Vekîli Refik Bey (Merkez-i Umûmî'den): "-Efendim, buna bendeniz de iştirâk ederim. 131'inci mâdde müeddâsına tevfîkan hareket edilecek olursa bugün yapdığımız taʻdîlâtın kâffesi iʻlân edilecek ve gelecek kongreye kalacakdır ve binâenaleyh bugün heyʼet-i celîlenizin vazîfesi sâdece büdceyi tasdîkden ibâret olacakdır. Hâlbuki taʻdîlâtın içerisinde müstaʻcel mevâd da vardır. Bu dai- reden çıkabilmek için bu mâddenin aʻzâ-yı mevcûdenin sülüsân-ı ekseriyetle taʻdîlini kabûl edecek olursak zannedersem bundan kurtuluruz". [500] Reîs (İzmir): "-Efendim, şimdi okunan takrîri encümene tevdîʻ edilmek üzere nazar-ı mütâlaʻaya alanlar lütfen işâret buyursun. Nazar-ı mütâlaʻaya alınmışdır, efendim. Binâenaleyh takrî- ri encümene tevdîʻ ediyoruz. Efendim, komisyon raporunun ikinci mâddesinde şu sûretle bir teklîf vardır. Okuyorum: Yine komisyonumuza havâle edilen rûznâmenin 9'uncu mâddesindeki merkez-i umûmî teklîfâtı tedkîk edilerek birinci fıkraya 'intihâb olunacak komisyonun eski ve yeni merkez-i umûmîden olma- mak şartıyla' kaydının ilâvesi sûretiyle ve 2, 3'üncü fıkralarının aynen ve 4'üncü fıkranın 'heyʼet-i idâre ve merkez-i umûmîye karşı mesʼûl olmamak üzere kâtib-i umûmî unvânıyla dirâyet ü ehliye- tine göre 200 ilâ 500 liraya kadar ücret-i şehriye verilmek üzere bir zâtın istihdâmı ve işbu masrafın büdcedeki kâtib-i umûmî tahsîsâtına ilâveten masârıf-ı gayr-ı melhûzadan tesviyesi' sûretiyle taʻdîlen kabûlü. Söz isteyen var mı efendim?"