HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2843 İbrahim Talîʻ Bey (İstanbul Murahhası): "-Efendim, Hilâl-i Ahmer Cemʻiyeti bir cemʻiyet-i hayriyedir. Yoksa ne bir bankadır ne de bir müessese-i ticâriyedir. Ne de bir şirketdir. Binâenaleyh yapılacak sarfiyâtda aʻzamî derecede tasarrufa riʻâyet edilmesini hepimiz tasvîb ederiz. Onun için kâtib-i umûmîce verilmek üzere hadd-i aʻzamî olarak gösterilen elli bin kuruşu pek çok görüyorum. Bu husûsda bir takrîr verdim. Bundan başka nizâmnâme-i esâsîde muvazzaf olarak bir kâtib-i umûmî istihdâm edildiğinden sonra tazmînât mesʼelesi sâkıt olur". Hakkı Şinasi Paşa (Merkez-i Umûmî'den): "-O heyʼet-i idârenin vazîfesidir. İstediğine verir". "-Kongre Riyâset-i Celîlesi'ne, Hilâl-i Ahmer Cemʻiyeti bir müessese-i hayriyedir. Sarfiyâtında aʻzamî tasarrufa riʻâyet meş- rûtdur. Müdür-i umûmî maʻâşının hadd-i gâyesinin 25.000 kuruşdan fazla olarak tesbît edilmemesini teklîf ederim. Tekirdağı Mehmed Faik Sivas Ömer Şevki İstanbul İbrahim Talîʻ" Hakkı Şinasi Paşa (Merkez-i Umûmî'den): "-Cemʻiyetçe arzu edilen müdür sabâhleyin gelecek, akşâma kadar çalışacak, umûr-ı idâreyi bilecek. Zannedersem öyle bir adam 200-300 liraya gelmez. Fakat her hâlde heyʼet-i merkeziye iki yüz liraya da bulursa tabîʻî evleviyetle kabûl eder". Reîs (İzmir Murahhası): "-Efendim, bir mütâlaʻa dermeyânına salâhiyetim varsa şunu arz ede- yim ki, nizâmnâme-i esâsîye herhangi bir meʼmûr maʻâşı için bir kayıd ilâvesi doğru değildir. Nizâm- nâmeler uzun müddet için yapılır. Hâlbuki maʻâş zamân zamân değişir. Binâenaleyh nizâmnâmede filân meʼmûra şu kadar maʻâş verilecekdir diye katʻî olarak yazılmaz. Bu doğru değildir. Müsâʻade ederseniz bunu encümene bırakalım. Bir formül tertîb ederek bize getirir". İbrahim Talîʻ Bey (İstanbul Murahhası): "-O hâlde lütfediniz de büdcede maʻâşı tesbît ediniz. Çünkü büdcede verilecek maʻâş gösterilmiyor". Mükerrem Bey (Isparta): "-Efendim, kâtib-i umûmî tahsîsâtı olarak büdcede yüz elli lira var- dır. Bizim teklîf etdiğimiz şekilde ise bu hâricden taʻyîn olunacak kâtib-i umûmîye yüz elliden fazla [501] maʻâş verilirse masârıf-ı gayr-ı melhûza tertîbinden verilmesi merkezinde idi. Bu sene masâ- rıf-ı gayr-ı melhûzadan verilir. Gelecek sene büdcesine maʻâşı kaç kuruş ise o kadar ilâve olunur". İbrahim Talîʻ Bey (İstanbul Murahhası): "-Hadd-i gâyesi bu seneki büdcede gösterilmelidir". Reîs (İzmir Murahhası): "-Efendim, yeni sene büdcesi heyʼet-i aliyyeden kabûl olunarak çıkdı. Yüz elli lira koyduk diyorlar. Kifâyet etmezse ilâveten tahsîsâtı düşünsünler ve heyʼet-i umûmiyeye teklîf etsinler. Binâenaleyh encümenin teklîfini yine encümene iʻâde ediyoruz". Encümen Mazbatasının Üçüncü Mâddesi Komisyonumuza havâle edilen teklifât-ı sâire 2-Sinob murahhası tarafından kazâ ve vilâyet heyʼet-i merkeziyeleri münhallâtının ne sûretle doldurulacağı hakkındaki takrîri tedkîk kılınarak nizâmnâme-i esâsînin merkez-i umûmî münhal-