HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2844 lâtına aʻzâ taʻyîni hakkındaki 54'üncü mâddesinin vilâyet merkezleri ve şuʻbe heyʼetlerine de tatbîki sûretiyle mâdde-i mezkûrenin tefsîri lâzım geleceği. Reîs (İzmir Murahhası): "-Mütâlaʻa var mı efendim? (Hayır sesleri) Encümen mazbatasını ka- bûl edenler işâret buyursun. Kabûl edilmişdir". Encümen Mazbatasının Dördüncü Mâddesi 4-Sinob murahhasının vilâyet meclis-i umûmîlerinin sûret-i ictimâʻı hakkındaki teklîf-i tahrîrîsi lede't-tedkîk vilâyet meclisleri o vilâyetin neresinde bulunursa bulunsun, elli aʻzâ ile inʻikâd edecek- dir. Herhangi aʻzâdan bu mikdâr ekseriyet hâsıl olmazsa ikinci defa vâkiʻ olacak ictimâʻda isbât-ı vücûd edecek aʻzâ mikdârıyla celse açılır. Hakkındaki nizâmnâme-i esâsînin 79, 82'nci mâddelerinde sarâhat mevcûd olduğundan taʻyîn-i muʻâmeleye mahal görülemediği. Reîs (İzmir Murahhası): "-Mütâlaʻa var mı efendim?" Sıhhiye Vekîli Refik Bey (Merkez-i Umûmî'den): "-Efendim, Nizameddin Bey vilâyet dâhilin- deki aʻzânın iştirâkiyle gibi bir maʻnâ anlayarak bu teklîfi yapmışlardır. Hâlbuki mâddenin tedkîkin- den görülmüşdür ki, buna lüzûm yokdur. Elli aʻzâ ile kongre toplanır. Her vilâyet ve her kasabadan murahhas gelmeğe lüzûm yokdur. Binâenaleyh ayrıca muʻâmeleye de hâcet kalmıyor". Faik Bey (Tekirdağı): "-Şimdiki takdîre nazaran elli kişi çok değil mi efendim? Elli kişi ile mi kongre yapacağız? Daha az ile yaparız". Reîs (İzmir Murahhası): "-Efendim, encümen de aynı şeyi dermeyân ediyor. Encümen mazba- tasını kabûl edenler işâret buyu[r]sunlar. Kabûl edilmişdir". Encümen Mazbatasının Beşinci Mâddesi 5-Beyoğlu Murahhası Hekîmbaşızâde Doktor Muhyiddin Bey, İstanbul Murahhası İbrahim Talîʻ Bey ve Balıkesir Murahhası Afyon Mebʻûsu Ali Bey ve rüfekâsının Hilâl-i Ahmer'e menâbiʻ-i vâridât teʼmîni ve aʻzâ-yı müessisenin fâhir aʻzâ olarak ibkâsına müteʻallik yedi mâddeden ibâret teklîfâtın iktizâsı îfâ kılınmak üzere merkez-i umûmîye havâlesi münâsib olacağı mütâlaʻasında bu- lunduğumuzu arz eyleriz, efendim". [502] Reîs (İzmir Murahhası): "-Efendim, mezkûr takrîr de okunulacakdır". "-Hilâl-i Ahmer Kongresi Riyâset-i Celîlesi'ne, 1-Memleketde hâricden sinema filmi celbi ve iʻlân-ı umûr komisyonculuğu birkaç gayr-ı Türk unsurun idâresinde ve nevʻan mâ inhisârında bulunduğu cihetle gazete ve duvar iʻlânları ve sinema filmlerinin memlekete idhâli inhisârının Hilâl-i Ahmer'e iʻtâsı, 2-Hâlen ihtiyârî olarak istiʻmâl edilmekde olan Hilâl-i Ahmer pulları mecbûrî olduğu zamân dünyâ koleksiyoncularının taleb ü rağbetini celb ve bi'n-netîce mühim vâridât teʼmîn edeceği cihetle bu maksadı teʼmînen hükûmet emrinde bir muʻâvenet-i ictimâʻiyeye mahsûs olmak üzere senede bir gün posta ve telgraf ücretlerinin Hilâl-i Ahmer pullarıyla istîfâsı, 3-Bu ikinci mâdde kabûl ve tensîb buyurulmadığı takdîrde posta muhâberâtından âdî mektûb ve kartlarda 1 ve taʻahhüdlü mektûblarda 2x1/2 ve posta paketlerinde 5 ve telgraflarda 10 kuruşluğu Hilâl-i Ahmer şefkat pullarının ilsâkı mecbûriyeti,