HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2845 4-Muʻaddel nizâmnâme-i esâsînin eski nizâmnâmeden tay ve taʻdîl edilen aʻzâ-yı müessisenin fâhir aʻzâ olarak kayıdlarının îfâsı 5-Tütün, sigara paketleriyle bira, rakı, likör ve emsâli müskirât şişelerine birer kuruşluk Hilâl-i Ahmer pulu ilsâkı mecbûriyeti, 6-Gençlik Hilâl-i Ahmer teşkîlâtının 1927 senesine kadar nizâmnâmesinin intâcı ile faʻâliyete başlatdırılması ve gençlik Hilâl-i Ahmer aʻzâlığını kabûl edenlere birer rozet tesbîti, 7-Avrupa Salîb-i Ahmerlerinde olduğu gibi merkez-i umûmînin tensîb edeceği şehirlerde o şeh- rin sinemalarıyla gazino, bâğçe gibi sinema teşkîlâtını hâiz yerlerde Hilâl-i Ahmer menfaʻatine film teşhîri husûsâtının intâcı emrinde îcâb eden muʻâmeleye teşebbüs ve tevessül için merkez-i umûmîye müsâʻade buyurulmasını teklîf ederiz. Beyoğlu Ramiz Beyoğlu Vilâyeti Hilâl-i Ahmer Reîsi ve Murahhası Hekîmbaşızâde Doktor Muhyiddin Balıkesir Murahhası, Afyon Mebʻûsu Ali Çorum Mustafa Beyoğlu Murahhası Salahaddin İzmir Murahhası Mahmud Celâl Beyoğlu Murahhası (İmzâ okunamamışdır.) İstanbul Hakkı Şinasi İstanbul Murahhası Hâkim Mehmed Rıza " Gaziayıntab Mebʻûsu Remzi Bey (Tedkîk-i Hesâbât Komisyonu aʻzâsından, Gaziayıntab): "-Efendim, arkadâşımız Muhyiddin Bey bazı vâridât düşünmüşler. Bunlar hükûmetle konuşulup hal- ledilecek mesâildir. Binâenaleyh merkez-i umûmîye havâle olunur. Tabîʻî ne kadar vâridât bulunula- bilmesi mümkün ise o düşünür". Muhyiddin Bey (Beyoğlu): "-Takrîr heyʼet-i umûmîyenin nazar-ı ıttılâʻına arz edildikden sonra merkez-i umûmîye havâle edilmelidir". [503] Reîs (İzmir Murahhası Mahmud Celâl Bey): "-Şu hâlde takrîri merkez-i umûmîye tevdîʻ ediyoruz, efendim. Mehmed Rıza Bey ve rüfekâsının bir takrîri vardır. Okunacakdır". "-Türkiye Hilâl-i Ahmer Cemʻiyeti 1926 Meclis-i Umûmîsi Muhterem Riyâseti'ne, Temsîl etdiğimiz İstanbul Vilâyeti Hilâl-i Ahmer Merkezi'nin meclis-i umûmîye arz ve intâc edilmek üzere takrîr etdiği mâddeleri aşağıda arz ediyoruz. Bunlardan bazılarının merkez-i umûmîce esâsen teemmül ve müzâkerât rûznâmesine idhâl edildiğini memnûniyetle gördüğümüz gibi diğerle- rinin de esbâb-ı mûcibelerine nazaran mazhar-ı kabûl olacağını ümîd etmekdeyiz: 1-Hilâl-i Ahmer vilâyât merkezlerine muʻayyen hayır maksadlarına muhassas olmak kaydıyla yapılacak teberruʻların yüzde kırk şartıyla mukayyed olmayarak tamâmen muhassas olduğu maksa- da sarfına mezkûr merkezin meʼzûn olması, bir misâl olarak İstanbul vilâyet merkezine İstanbul ilk