HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2468 etdiği müddetçe beher gün için 25'den 300 dolara kadar cezâ-yı nakdîye mahkûm ve hizmete icâbet etmeyenlerden kezâ beher gün için 25'den 100 dolar cezâ-yı nakdî istîfâ edilir. Kanada kânûn-ı cezâsı kasden ormanlara âteş verenleri 14 sene ve teşebbüsü 7 sene ve ihmâl ve teseyyüble vukûʻa gelecek yangınların fâʻillerini iki seneye mahkûm etmekdedir. JAPON SALÎB-İ AHMERİ'NİN 1924 SENESİ VAZʻİYET-İ UMÛMİYESİ 1924 senesi nihâyetinde Japon Salîb-i Ahmeri'nin vazʻiyet-i umûmiyesini tesbît eden rapor ahî- ren neşredilmişdir. Maʻlûm olduğu üzere Japon Salîb-i Ahmeri Mikado hazretlerinin taht-ı himâyesindedir. Müşâ- runileyh bu sene de Tokyo Merkez-i Umûmîsi Hastahânesi'nin masârıf-ı dâimesine medâr olmak üzere 10.000 yen (bir yen 2,5 Fransız frangı) teberruʻ etmişdir. İmparatoriçe de ayrıca mezkûr has- tahânede tedâvîde bulunan fukarâya 5.000 yen ile kışlık birer kat elbise ihdâ eylemişdir. Yine bu rapora [206] nazaran 1924 senesi nihâyetinde Japon İmdâd ve Muʻâvenet Heyʼeti meʼmûrîn ve müs- tahdemîni 258'i tabîb ve 3.484'ü hastabakıcı olmak üzere 4.742'ye bâliğ olmuşdur. Bunlardan mâʻadâ 1.397 hastabakıcı tâlibâtı vardır. Japon Salîb-i Ahmeri'nin muhtelif mesâʻî-i imdâdiyesi rapora göre şu sûretle telhîs edilebilir: Mazhar-ı muʻâvenet olan hasta, mecrûh, gebe, loğusa ve çocukların mikdârı 2.068.795'dir. Hareket-i arz musâbînine birçok Salîb-i Ahmer Cemʻiyetleri ile Beynelmilel Komite ve Lig'in muhtelit komisyonundan min haysü'l-mecmûʻ 476.900 yen gönderilmişdir. Sakarin adası heyʼet-i seferiyesi mecrûhîn ve hastagânına ve Çin askerî mecrûh ve hastalarına îfâ edilen muʻâvenetler de şâyân-ı kayıddır. Dâimî imdâd ve muʻâvenet mevkiʻlerinde gerek hareket-i arz musâbîni gerek fukarâ-yı ahâlî için 555.477 eyyâm-ı tedâvî işâret edilmişdir. Bu rakam 1923 senesindeki eyyâm-ı tedâvîden 310.487 fazladır. Teşkîlât-ı sıhhiyeden mahrûm ve ücrâ mahaller için altı vilâyet merkezinde seyyâr tedâvî usûlü kabûl edilmişdir ki, bunlar için eyyâm-ı müdâvât 226.566'ya bâliğ olmakdadır. Felâket-i umûmiye, kazâ ve izdihâmlarda Salîb-i Ahmer'in muʻâvenetkâr mesâʻîsi, âtîdeki erkâmdan dahi anlaşılacağı üzere çok mühimdir: Aded Vekâyiʻ-i kazâiye 433 Îfâ edilen muʻâvenetin bâliğ olduğu eyyâm 1.374 Eyyâm-ı tedâvî 41.537 Muʻâvenet esnâsında istihdâm olanlar 2.966 Vereme karşı tedâbîr-i vâkıye ittihâzında Japon Salîb-i Ahmeri'nin îfâ etdiği hizmetler de câlib-i nazar-ı dikkatdir.