HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2846 mekteblerinde tahsîlde ve iʻâşe iktidârından mahrûm bulunan çocuklara yiyecek tevzîʻi için ve bu maksad tasrîh edilerek yapılan teberruʻları zikredebiliriz. 2-Bayram günlerine mahsûs Hilâl-i Ahmer gazetesinin İstanbul'da İstanbul merkezi tarafından neşri Bu gazete vaktiyle merkez-i umûmî İstanbul'da olduğu için onun tarafından neşredilmekde ve farazâ İzmir'de o vilâyet Hilâl-i Ahmer merkezi tarafından Hilâl-i Ahmer gazetesi çıkarılmakda idi. Şimdi merkez-i umûmî Ankara'da bulunduğundan Hilâl-i Ahmer gazetesini Ankara'da neşretmesi ve İstanbul merkezinin muʻayyen günlerinde bu nâm ile ayrı bir gazete çıkarması tabîʻî bir hakdır. 3-Her merkezdeki rozet hâsılâtından yüzde kırkına kadarının o merkeze âidiyeti Rozet tevzîʻi vesîlesiyle toplanılan paranın diğer teberruʻlardan bir farkı olmadığı âşikârdır. Binâenaleyh bunu ayrıca merkez-i umûmînin vâridâtı gibi büdcede göstermek doğru değildir. Nite- kim bu hak merkez-i umûmî ile muhâberemizde de teslîm edilmişdir. 4-Şefkat pulları tevzîʻât ve tahsîlâtının her mıntıkada ora merkezi tarafından yapılması ve o merkezin vâridâtı olarak addi İstanbul müesseselerinden birçoğuna merkez-i umûmî tarafından şefkat pulları tevzîʻ edilmişdi. Bundan böyle lüzûmu kadar pul merkezlere gönderilerek veya tedârük ve ihzârı kendilerine bırakıla- rak onlar tarafından tevzîʻ ve hâsılâtının vâridâtlarına idhâli muvâfıkdır. Bir de şefkat pullarının sürümünü tezyîd için bu pulların istihlâkini derʻuhde ve teʼmîn edenler yüzde ona kadar ikrâmiye verilmek esâsının da kabûlü münâsib olacakdır. 5-Ankara'da bulunmayan zâtların merkez-i umûmî aʻzâlığına intihâb edilmemesi Bu cihet merkez-i umûmîce de nazar-ı iʻtibâra alınmış ve hattâ daha katʻî tedbîr olmak üzere merkez-i umûmîye dâhil olup bu vazʻiyetde bulunan aʻzâlar müstaʻfî addedilmişdir. 6-İstanbul'da mevcûd hastabakıcı mektebinin tevsîʻi, diğer merkezlerde de mektebler teʼsîsi, serbest kurlar ihdâsı, mekteblerde [504] hastabakıcılık dersleri verilmesinin teʼmîni. İstanbul Has- tabakıcı Mektebi'nin kırk dört kişilik talebe kadrosu pek ehemmiyetsizdir. Bu kadronun tevsîʻi ve rağbet celb edecek şerâit vazʻı, bundan başka İstanbul hastahânelerinde hizmet eden iki yüzü mü- tecâviz hastabakıcıların açılacak kurlara devâm edebilmeleri için vazîfe ve maʻâşları devâm etmek üzere muʻayyen bir zamân için meʼzûn addedilerek bu müddetin hitâmında imtihânları icrâ ve elle- rine şehâdetnâme verilmesi ve bir zamân bu sûretle devâm edilip şehâdetnâmeli hastabakıcılar ade- di kâfi haddi buldukdan sonra şehâdetnâmesiz hastabakıcıların menʻ-i istihdâmı husûsunun Sıhhiye Vekâleti'ne mürâcaʻat edilerek teʼmîni. Harb zamânlarında yaralılarımıza bakacak âile hanımlarının maʻlûmât-ı lâzımeyi hâiz muʻâvin bir kuvvet teşkîl edecek hâle gelebilmesi zımnında onlar için de ayrı, serbest kurlar teʼsîsi. Maʻarîf Vekâleti nezdinde teşebbüsde bulunularak umûmen kız liselerinde ve tahsîsen kız muʻallim mektebleriyle öksüz yurdlarında programa hastabakıcılık dersleri koydurul- ması ve İstanbul'dan başka münâsib görülecek merkezlerde de hastabakıcılık mektebleri ve mümâsil kurlar ihdâsı muvâfık ve fâideli olacakdır. Bu mâddelerden İstanbul Hastabakıcı Mektebi'nin tevsîʻi ve başka bir yerde de bir hastabakıcı mektebi teʼsîsi husûslarının merkez-i umûmîce de teemmül ve teklîf edildiği memnûniyetle görülmüşdür. 7-Hilâl-i Ahmer anbârlarında mevcûd eşyâ ve malzemenin harb ihtiyâclarına göre tensîk ve ihzârı Geçen kongrede mufassalan müzâkere ve takrîr edilen bu mesʼele ile uğraşılmağa başlandığı merkez-i umûmî ve tedkîk heyʼeti raporlarından hissedilmişdir. Bu husûsda aʻzamî himmet, ehemmi- yet sarf ve atfı merkezimizin başlıca temenniyâtındandır. 8-Kânûnen hâiz olan eşyâ üzerine piyango tertîbine müsâʻade iʻtâsı İstanbul merkezi bilhâssa kendisine tâbiʻ olarak idâre etmekde olduğu ve emîn bir sûretde baş-