HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 58 2849 Reîs (İzmir Murahhası Mahmud Celâl Bey): "-Efendim, bir takrîr vardır. Okunacakdır". "-Riyâset-i Celîle'ye, Îcâbı teemmül edilmek üzere takrîrin merkez-i umûmîye tevdîʻini arz ve teklîf eylerim. Hakkı Şinasi" Reîs (İzmir Murahhası): "-Takrîri reʼyinize arz ediyorum. Kabûl edenler işâret buyursun. Kabûl edilmişdir. Efendim, o hâlde takrîri merkez-i umûmîye tevdîʻ ediyoruz. Müdür maʻâşı hakkında en- cümen mazbatası gelmişdir. Okunacakdır". "-Riyâset-i Celîle'ye, 1926 büdcesi heyʼet-i umûmiyece kabûl edilmiş olduğundan taʻyîn edilecek müdürü aʻzamî üç yüz liraya kadar masârıf-ı gayr-ı melhûzadan maʻâş iʻtâsı husûsunda merkez-i umûmîye salâhiyet iʻtâsı tensîb kılınmışdır, efendim. Mükerrem" Kâzım Bey (Giresun, Tedkîk Komisyonu'ndan): "-Kâtib-i umûmî yerine müdür denilmişdir". Reîs (İzmir Murahhası): "-Efendim, yeni zammolunan 12'nci fıkra da kalksın. Binâenaleyh rûznâmenin 9'uncu mâddesinin 2, 3'üncü fıkraları aynen ve 4'üncü fıkranın encümenin taʻdîli teklîfi vechile kabûl buyuranlar işâret buyursun. Kabûl edilmişdir". "-Hilâl-i Ahmer Meclis-i Umûmî Riyâset-i Celîlesi'ne, Hilâl-i Ahmer meʼmûrlarının mesâʻîsini takdîren geçen seneki kongre kendilerine ikişer maʻâş nisbetinde ikrâmiye vermiş idi. Raporların tedkîkinden anlaşıldığı üzere meʼmûrların geçen sene içinde de kıymetli hizmetleri sebkat etmişdir. Ankara'ya nakil dolayısıyla büyük masraflar ihtiyâr etdikleri tabîʻî olan meʼmûrînin hidemât-ı mesbûkasına mükâfaten kendilerine fevkalâdeden olarak geçen seneki vechile bir maʻâş ikrâmiye iʻtâsının taht-ı karâra alınmasını teklîf eyleriz, efendim. Beyoğlu Celâl Sâhir İstanbul Murahhası Mehmed Rıza Beyoğlu Murahhası Muhyiddin " Reîs (İzmir): "-Mütâlaʻa olmadığına nazaran takrîri doğrudan doğruya reʼyinize vazʻ ediyorum. Kabûl edenler işâret buyursun. Kabûl edilmişdir, efendim. Rûznâmede tedkîk komisyonunun tekrâr intihâbı mevcûddur". Celâl Sâhir Bey (İstanbul Murahhası): "-Zannediyorum ki, heyʼet-i umûmiye aʻzâları müzâkere esnâsında mütâlaʻalarını söylediler. Tensîb buyurulursa eski heyʼetin aynen ibkâsını teklîf ediyorum". Reîs (İzmir Murahhası): "-Eski heyʼetin aynen ibkâsı teklîf ediliyor. Reʼy-i işârî ile reʼyinize arz edeceğim. Eski heyʼetin aynen ibkâsını kabûl edenler lütfen işâret buyursunlar. Kabûl edilmişdir, efendim. Efendim, rûznâmemiz hitâm bulmuşdur. Hilâl-i Ahmer Cemʻiyeti'ne ve kongre heyʼet-i muh- teremesine muvaffakiyetler temennî ederek 1926 senesi Hilâl-i Ahmer kongresini taʻtîl ediyorum. Hitâm-ı müzâkerât, sâʻat 13 dakîka 30 Müdür-i Mesʼûl: Arif Süleyman