HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2469 Altı vilâyet merkezinde veremlilere mahsûs sanatoryumlar küşâd edilmiş, vereme karşı bilin- mesi lâzım gelen tedâbîr-ı vâkıye hakkında tabʻ etdirilen risâleden 72.800 nüsha halka tevzîʻ olun- muş, 214 konferans verilmiş, sergiler yapılmış, sinema temsîlleri gösterilmişdir. Gebelerin, vazʻ-ı haml edenlerin, çocukların himâyesi de Japon Salîb-i Ahmeri'nin başlıca meşâgılinden biridir. Taʻtîl kolonileri, hıfzıssıhha-i etfâl istişâre merkezleri ve mekteb hastabakıcıları için raporda mühim maʻlûmât mündericdir. 1924 senesi gâyesinde Japon Salîb-i Ahmer aʻzâsı bir sene evvel mukayyed olan aʻzâdan 96.382 fazla olmak üzere 2.310.041'e bâliğ olmuşdur. Vâridâta gelince; Yen Aʻzâ âidât-ı seneviyesinden 1.918.276,72 Sermâye îrâdından 2.347.278,87 Teberruʻâtdan 854.881,95 Hastahâneler vâridâtından 5.992.270,78 Vâridât-ı sâireden 847.288,75 Geçen senenin fazla-i vâridâtından bu seneye naklolunan 1.019.731,55 Yekûn 12.979.728,62 Buna mukâbil yapılan masârıf: Yen Merkez-i umûmî masârıfı 810.399,70 Vilâyât merkezlerinin masârıfı 3.963.726,12 Hastahâneler masârıfı 5.263.414,74 Masârıf-ı sâire 9.746,76 [207] Merkez-i umûmî sermâyesi 17.085.977,28 Vilâyet merkezleri sermâyesi 16.929.075,96 Hastahâneler sermâyesi 2.407.509,17 Yekûn 36.422.562,41 Raporun Gençlik Salîb-i Ahmer faʻâliyetinden bâhis olan kısmında Gençlik Salîb-i Ahmeri'nin 1922 senesi Mayıs'ında teessüs etdiği ve on bir ile on dört yaş arasındaki mekâtib-i ibtidâiye çocuk- larından zümreler teşkîl olunduğu kaydedildikden sonra istihdâf etdiği gâye şu sûretle taʻrîf ediliyor: "-Gençlik Salîb-i Ahmeri'nin gâyesi gençliği Salîb-i Ahmer fikr-i insâniyet ve hayır-perverîsi ile terbiye etmek ve gençliğe iyi bir vatandâş vezâifini anlatmak ve tatbîk etdirmek ve gençlere sıhhati muhâfaza ve tezyîd ve iʻlâ edecek mesâʻî-i muhtelifeyi yapdırmakdır". 1924 senesi nihâyetinde 27 Salîb-i Ahmer merkezine merbût 474 zümrenin mevcûd gençlik aʻzâsı 358.188'e bâliğ olmuşdur.