HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2470 Raporun nihâyetine doğru 13 Eylül'de vukûʻ bulan Erzurum hareket-i arz felâketzedegânına Beynelmilel Cenevre Merkez Komitesi vâsıtasıyla Japon Salîb-i Ahmeri'nin irsâl etdiği 1.000 İsviçre frangından da bahsedilmişdir. Raporun sonunda İmparatoriçe Shôken Vakfı îrâdından hâsıl olan 20.000 İsviçre frangının Al- man, Avusturya, Macar, Lehistan, Bulgar, Latoy, Çekoslovakya ve Danzig serbest şehri Salîb-i Ah- merleri arasında tevzîʻ edildiği zikrolunuyor. HİLÂL-İ AHMER HAVÂDİSÂTI Beynelmilel On İkinci Salîb-i Ahmer Konferansı Cenevre'de Teşrîn-i Evvel'in yedinci günü ictimâʻ edecek olan Beynelmilel On İkinci Salîb-i Ahmer Konferansı'na Hilâl-i Ahmer Cemʻiyeti tarafından murahhas intihâb edilen merkez-i umûmî aʻzâsından Hâriciye Vekâlet-i Celîlesi Müsteşârı Tevfik Kâmil Beyefendi'nin vazîfeten Ankara'dan ayrılamaması cihetiyle yerine Reîs-i [208] Sânî Doktor Hakkı Şinasi Paşa ile Doktor Âkil Muhtar Beyefendi'nin iʻzâmı takarrür ederek mûmâileyhimâ Cenevre'ye müteveccihen hareket etmişlerdir. On İkinci Beynelmilel Salîb-i Ahmer Konferansı'na Hilâl-i Ahmer murahhası olarak Cenevre'ye giden Reîs-i Sânî Doktor Hakkı Şinasi Paşa Dr. Hakki Chinassi Pacha Vice-Président du Croissant-Rouge Turc, délégué à la XII.me Conférence Internationale On İkinci Beynelmilel Salîb-i Ahmer Konferansı'na murahhas intihâb edilmiş olan Doktor Âkil Muhtar Bey Dr. Akil Moukhtar Bey, délégué à la XII.me Conférence Internationale