HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2869 gamlar tehlikesiz hâle koyulmalıdır. Kalabalık evler, pislik, iyi yenip içmemenin ve bedenin zaʻfiyeti veremin intişârında âmildir. Birçok ihtiyârlar idrâk etmeyerek öksürürler ve veremin intişârında âmil olurlar. Verem mücâdele merâkizine dâimâ mürâcaʻat et. Bu merâkiz her türlü teshîlât, maʻlûmât ve neşriyâtı iʻtâya hâzırdır. 9-Nesl-i âtîyi himâye et. İyi ihtimâm ve emîn bir tegaddiye ile vefeyât-ı etfâl pek büyük tenkîs edilebilir. Doğmadan evvel yapılacak ihtimâmları ihmâl etme. Hâmil vâlidelerin nefʻine [520] teʼsîs edilen müşâvere merâkizinden her türlü maʻlûmâtı almakla berâber îcâbı takdîrinde bunlar nakdî muʻâvenete de mazhar olurlar. Vâlideler yavrularına bizzât bakmalıdırlar. En iyi himâye tarzı budur. Eğer bebek râhatsızlanırsa hemen hekîme git veya Çocuk Âfiyet Merkezi'ne mürâcaʻat et. Bu merâ- kiz her türlü maʻlûmât ve nesâyihi iʻtâya hâzır olmakla berâber bu husûsdaki mecmûʻa, risâle, atlas-ı musavverleri de meccânen tevzîʻ eder. Çocuk sergilerini ziyâret et. Birçok sakatların vaktinde bir mütehassısa mürâcaʻat sûretiyle önüne geçilebilir. Hattâ daha ciddî vekâyiʻde ihtimâmlı ve vaktinde bir tedâvî şahsın hayâtı müddetince taşıyacağı özürden vikâye eder. Sakatların yüzde ellisi vaktinde ihtimâmlı bir tedâvîye maʻrûz kalmış olsalardı tamâmen önüne geçileceği hesâb edilmişdir. Bunun için sakatlara mahsûs her şehirde merâkiz-i muʻâvenet açılmışdır. Burada tedâvî ve ihtimâma muhtâc olanlar meccânen taʻkîb olunurlar. 31 KÂNÛN-I EVVEL 1341 (1925) DEVRE-İ HESÂBİYESİNE ÂİD TEDKÎK KOMİSYONU RAPORU Hilâl-i Ahmer 1926 Senesi Meclis-i Umûmîsi Riyâset-i Muhteremesi'ne, [1]341 [1925] senesi meclis-i idâre encümeninin muʻâmelât-ı umûmiye hakkında icrâ etdiği tedkîkât netîcesi olarak tanzîm ve heyʼet-i umûmiyece Ankara murahhaslığı muʻâmelâtı encüme- nimizce tedkîk edilmek üzere mevâdd-ı sâiresi kabûl edilen raporda bast buyurulan temenniyât ve mütâlaʻât hakkında komisyonumuzca icrâ edilen tedkîkât ve mütâlaʻât ber-vech-i âtî arz olunur: 1-Meclis-i umûmînin vakt-i muʻayyen-i nizâmîsinde ictimâʻ etmemesi husûsundaki temenniyât. Bu sene meclis-i umûmî inʻikâdının nizâmnâme-i esâsîye nazaran 24 gün teehhurla vâkiʻ olması, idâre-i merkeziye teşkîlâtının raporda bahis ve komisyonumuzca isâbeti tahakkuk eden esbâb dolayı- sıyla Şubat bidâyetine kadar İstanbul'da bırakılması ve bu nakil dolayısıyla muhâsebe-i merkeziyenin hesâb-ı katʻîsi ve bilançoların ve meclis-i umûmîye takdîm edilecek olan raporun ihzâr ve tabʻına imkân bırakılmasından inbiʻâs etmişdir. 2-Hilâl-i Ahmer anbârlarında mevcûd lüzûmlu ve lüzûmsuz eşyânın tefrîkıyla lüzûmsuz olan- ların elden çıkarılması hakkındaki temennî. Merkez-i umûmîce bu bâbda ittihâz buyurulan karâr ve raporda bahsedilen icrâât ile teʼmîn edildiğine komisyonumuz kanâʻat getirmişdir. 3-Hilâl-i Ahmer merkez deposunun Eskişehir'e tamâmen nakli hakkındaki teklîf. Merkez-i umûmî ihrâcât raporunda îzâh edildiği üzere bütün stokların Eskişehir'de temerküzü takarrür etmiş ve nakil ve teksîf ameliyesi [1]926 senesi Mart'ının nihâyetine kadar tamâmen ikmâl edildiği tedkîkât-ı vâkıʻadan anlaşılmışdır. 4-Hastabakıcı Mektebi'nin talebe aded-i mürettebini tezyîd ve müdâvimlerine ikmâl-i tahsîl edinceye kadar hem bir staj yeri ve hem de bir medâr-ı maʻîşet teʼmîni husûsundaki temennîlerden. Birincisi, merkez-i umûmînin 28 Mart 1926 târîhli celsesinde talebe aded-i mürettebinin bir misli tez-