HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2870 yîdi hakkında ittihâz edilen karârla ve Hastabakıcı Mektebi ikinci sınıf talebesinin ücret mukâbilinde Gurebâ [521] Hastahânesi'ne tavzîfi sûretiyle icrâ ve tatbîk edildiğini komisyonumuz memnûniyetle görmüşdür. 5-Hilâl-i Ahmer merâkiz ve şuʻabât teşkîlâtının tevsîʻi ve müessesâtın, cemʻiyetin makâsıd ve vezâifi hâricindeki şeylere faʻâliyet ve muʻâvenetinin adem-i teşmîli hakkındaki mütâlaʻât. Sıhhiye ve Muʻâvenet-i İctimâʻiye Vekâleti Heyʼet-i Teftîşiyesi'nden istiʻâne edilmek ve mevcûd müfettiş adedini altıya iblâğ sûretiyle bu mütâlaʻanın teʼmînine çalışıldığı müşâhede edildi. 6-Meʼmûrînin istikbâllerinin istikrârı hakkında idâre encümeninin ve heyʼet-i umûmiyenin te- menniyâtı . Komisyonumuz bu husûsda yapdığı tedkîkâtda hakîkaten vazîfelerini büyük bir ferâğat-ı nefs ve fedâkârî ile îfâ etmekde bulunan meʼmûrînin istikbâllerinin taht-ı teʼmîne alınmasının lüzûm u vücûbuna kâniʻ olarak bu husûsun teʼmîni için ahîren Büyük Millet Meclisince kabûl edilmiş olan meʼmûrîn kânûnunun takdîr ve tecziyeye âid 22 ilâ 34, azil ve terfîh ve istikbâllerine âid 59, 68, 69 ilâ 72, 78 ilâ 86'ncı mâddelerinin müddet-i hizmetleri ve hakk-ı müktesebleri mahfûz kalmak üzere Hilâl-i Ahmer'in hâlen esâs kadrosunda bulunan meʼmûrine tatbîkini muvâfık bulmakdayız. Ancak bu sûretle hakk-ı tekâʻüde mâlik olacak olan meʼmûrînin şimdiye kadar tesviye etmemiş oldukları âidât-ı tekâʻüdiye kavânîn-i mahsûsaya tevfîkan bi'l-hesâb meʼmûr hesâbına zimmet kayıd ve iki senede maʻâşlarından ayrıca tahsîl ve yüzde kırk nisbetindeki primin cemʻiyet cânibinden ve yüzde altmış nisbeti meʼmûr tarafından tesviye edilmek üzere bir kısım meʼmûrînin mevcûd sigortaları ibtâl edilmemek üzere hakk-ı intifâʻı yani hâl-i hayâtından mukâvelenâme mûcebince kumpanyanın tesviye edeceği meblağın yüzde kırkı meʼmûra ve yüzde altmışı cemʻiyete âid olmak üzere mukâve- lenâmelerin taʻdîli lâzım gelir. Bu sûretle istikbâlleri teʼmîn edilen meʼmûrînden âmir-i iʻtâ ve îcâbında nakde vâzıʻu'l-yed olan muhâsebe müdürü ile mümeyyizi ve doğrudan doğruya nakde vâzıʻu'l-yed olan veznedârla tah- sîl meʼmûru ve muʻtemedler ile emvâle vâzıʻu'l-yed olan anbâr müdürü ve muʻâvini ve anbâr şuʻbe meʼmûrları ve muʻâvinlerinin kânûn-ı mahsûsuna tebaʻan kefâlete rabtları, avans usûlüne nihâyet verilerek bakıyyelerinin bir sene zarfında tahsîli lâzım gelir mütâlaʻasındayız. 7-Gülhane ve Çırağan anbârlarıyla satış sergisi hakkındaki mütâlaʻa. Merkez-i umûmî rapo- runda tafsîl ve komisyonumuzca da teʼyîd edilen icrâât ile tamâmen tatbîk edilmişdir. 8-Hanımlar Merkezi Dârüssınâʻası . Bu müesseseyi İstanbul Hilâl-i Ahmer Merkezi lâyık oldu- ğu ehemmiyetle himâye ve idâresi altına almak sûretiyle muhterem idâre encümeninin mütâlaʻâtının tatbîk edildiği görülmüşdür. 9-Ticâret kasdıyla alım ve satım . Komisyonumuz tedkîk etdiği devre-i hesâbiye zarfında [1]341 [1925] senesi meclis-i umûmîsi idâre encümeni raporunda îzâh ve tafsîl edilen buğday alım ve satı- mından başka kasd-ı ticâretle bir muʻâmeleye musâdif olamamışdır. İşbu buğday alım ve satımı hakkında encümen mütâlaʻâtını [1]341 [1925] senesi meclis-i umûmîsinde takdîm etdiği raporda arz eylemiş olduğundan komisyonumuz bu bâbda mütâlaʻâta ma- hal görmemişdir. 10-[1]341 [1925] senesi meclis-i umûmîsince komisyonumuza havâle buyurulan Ankara mu- rahhaslığı muʻâmelâtı hakkındaki tedkikât ve mütâlaʻât. Ayrıca bir raporla heyʼet-i muhteremenize arz edilmişdir. 11-Sermâyenin altın nakid ve altı aylık [522] evrâk-ı nakdiye kısmı . Bunlardan altı aylık evrâk-ı