HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2872 ol vechile kaydedilmişse de muahharan bu kayıd tashîh olunmuşdur. Ancak meblağ-ı mezbûrun vâri- dât-ı umûmiye meyânında îrâd kaydedilmiş olmasına binâen bankada mevcûd gösterilen bu mikdârın ihtiyât akçesinden icrâ-yı mahsûbu heyʼet-i umûmiyenin kabûlüne arz olunur. 5-Hindistan heyʼetinin Bank National of India bankasına tevdîʻ etdiği ve bilançoda mikdârı muharrer meblağın hulâsa-i hesâbiyesi henüz merkeze gelmemiş olduğu için katʻî sûretde tedkîkine imkân bulunamamışdır. 6-Tasfiye olunacak matlûbât nâmıyla bilançoda mevzûʻ bulunan 76.360 liranın alacak olmasına nazaran muhtelif matlûbât yekûn-ı umûmîsine girmesi lâzım gelirken muhâsebenin verdiği îzâhâta ve bu düyûnâtın mâhiyetine nazaran tahsîli müteʻassir bulunduğu anlaşılarak yerine bir hesâb-ı nâzım terk edilerek ihtiyât akçesinden tenzîli heyʼetimizce de muvâfık görülmüşdür. Tahsîli mümkün görül- meyen matlûbâtın bir listesi merbûtan takdîm kılınmışdır. 7-Kayyum ve tahvîlât cüzdânı mâddesine mevzûʻ bulunup bilançoda muharrer mikdârı içinde on üç aded ve yirmişer lira kıymetinde istikrâz sened-i muvakkati mevcûd görülmekde ise de yapı- lan tedkîkâtda bu senedlerin mevcûd olmadığı ve ziyâʻa uğradıkları anlaşılmışdır. Zîrâ muhâsebenin Osmanlı Bankası'yla vâkiʻ husûsî ve resmî temâslarında işbu senedât-ı muvakkatenin senedât-ı asliye ile tebdîlleri icrâ edilmediği ve aynı zamânda fâizleri de tahsîl edilmemiş bulunduğu için zâyiʻ olduk- larına kanâʻat hâsıl olmağla keyfiyet heyʼet-i umûmiyenin ıttılâʻına arz olunur. 8-Eşyâ ve levâzım mevcûdu. Bilançoda anbârlar mevcûdu olarak 895.995 liralık bir kıymet gösteriliyorsa da bu kıymete âid malzemenin mevcûdiyetini tevsîk edebilecek mevcûdât mazbatala- rından yalnız İstanbul anbârı makine, erzâk, porselen, çamaşır, demir, kereste ve elektrik şuʻbelerine âid kısımlar ibrâz edilebilmiş, diğerlerinin yalnız defter mevcûdları cedvelleri gösterilmişdir. Yapılan umûmî tedkîkâtda şimdiye kadar ancak İstanbul anbârları erzâk, porselen, eşyâ-yı mütenevviʻa, ça- maşır şuʻbeleriyle Eskişehir anbârları çamaşır, porselen ve erzâk kısımlarının taʻdâd ve devri ikmâl edilebilmiş, diğer şuʻabâtın taʻdâd ve devrinin derdest bulunduğu anlaşılmışdır. Yapılan işbu devir ve taʻdâd netîcesinde kayıd ile mevcûd arasında şâyân-ı dikkat ve ehemmiyet farklar görülmüşdür. Bu farklar hakkında meʼmûrîn-i mesʼûlesinden yapılan istîzâhlar ve muhâsebece tesbît edilmesi lâzım gelen mukâbil mütâlaʻalar henüz tamâmen ikmâl ve merkez-i umûmîce bu bâbda ittihâz-ı karâr edil- memiş olduğundan bu husûsâtın tedkîk ve intâcının bi'z-zarûre 1926 senesi tedkîk encümenince îfâsı lâzım gelir mütâlaʻasındayız. [524] 9-Muhtelif malzeme medyûnlarından taleb edilmekde olan 22.073 liranın bu sene zarfın- da kâbil-i tasfiye ve mahsûb bulunduğu anlaşılmışdır. 10-Tasfiye olunacak malzeme matlûbâtı için bilançoda mevzûʻ bulunan mikdârın 44.140 li- rası Eskişehir-Ankara murahhaslığı anbârlarının bakıyye-i hesâbıdır. Yapılan tedkîkâta nazaran bu hesâbât dört kısma ayrılabilir: a) [1]330-[1]335 [1914-1919] seneleri zarfında Eskişehir murahhaslığı anbârları muʻâmelât-ı kaydiyesi ki bu anbârın merkez-i umûmîye vukûʻ bulan irsâlâtı ve mahallî sarfiyât-ı ayniyesi ve vesâ- ki şâyân-ı ihtiyâc bir mâhiyetde görülmemişdir. b) [1]335-[1]339 [1919-1923] seneleri Ankara murahhaslığı anbâr kuyûdâtıdır. Bu devre zar- fındaki muʻâmelât-ı kuyûdiye mahalline gönderilmiş olan muhâsebe meʼmûr-ı mahsûsunun bir se- nelik mesâʻîsi netîcesinde tanzîm ve intâc edilmiş ve hâlen şâyân-ı ihtiyâc bir mâhiyet iktisâb etdiği anlaşılmışdır.