HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2873 c) [1]335 [1919] senesinde yapılan taʻdâd esâs ittihâz edilerek tanzîm edilmiş olan [1]335- [1]339 [1919-1923] seneleri muʻâmelâtının netîcesinde anbârda mevcûd olması muhâsebece tesbît edilen mikdârla taʻdâdda mevcûd bulunan mikdâr arasındaki noksân ve fazlası tamâmen tesbît edil- miş ve şâyân-ı ehemmiyet farklar bulunduğu görülmüşdür. d) Merkez anbârlarıyla Eskişehir murahhaslığı anbârları arasındaki mütekâbil irsâlâtın kayıd- larla tatbîki kısmı ki, bu kısmın yalnız merkez anbârı erzâk şuʻbesine Eskişehir'den gelen mikdâr tesbît edilebilmiş ve yine netîcede bazı farklar müşâhede olunmuşdur. İşbu dört nokta üzerinde mütâlaʻamıza kesb-i ıttılâʻ eden heyʼet-i muhteremeden bu husûsâtın katʻiyen ikmâl ve tasfiyesine zâten muʻâmelât-ı umûmiye ile meşbûʻ bulunan muhâsebenin yetişme- yeceğine nazaran heyʼet-i umûmiye karârıyla bir heyʼet-i hesâbiyenin bu husûsa meʼmûr edilmesinin muvâfık olacağını arz ve teklîf eyleriz. 1341 (1925) senesi 31 Kânûn-ı Evvel'ine kadar olan devre-i hesâbiyeye âid işbu bilanço muh- teviyâtının bazı mevâddı hakkındaki mütâlaʻa ve temenniyâtımız bâlâda arz olunmuşdur. Geçdiğimiz senenin vazʻiyet-i mâliyesini gösteren bilanço ve hesâb-ı katʻîler müfredâtı defâtir-i esâsiye muhte- viyâtına mutâbık ve Hilâl-i Ahmer'in usûl-i mahsûsa-i hesâbiyesine muvâfık bulunduğu ve evrâk ve vesâik-i hesâbiyenin nazar-ı tedkîkden geçirilerek ve netîce iʻtibârıyla muhâlif-i usûl bir muʻâmele görülmemiş bulunduğu maʻrûzdur. 1341 (1925) Senesi Malzeme Hesâb-ı Katʻîsi a) [1]341 [1925] senesi zarfında Hilâl-i Ahmer anbârlarına mübâyaʻa sûretiyle 113.774 liralık eşyâ-yı muhtelife girmişdir. Bu mikdârın fevkalâde büdcenin hesâb-ı katʻîsinde manzûr-ı âlîleri bu- yurulan "mübâyaʻa olunan eşyâ ve levâzım" mâddesine tevâfuk etmesi iktizâ eder idi. Hâlbuki kuvâ- yı işgâliyeden perâkende olarak parti hâlinde alınan eşyânın cins ve nevʻlerine göre takdîr edilen kıymet, kıymet-i umûmiyeyi tutamamış olduğu gibi anbâr muʻâmelât-ı nakdiyesinden muhâsebeye tevdîʻ edilen 11.229 liralık mübâyaʻât evrâk-ı müsbetesinin ayniyât kısmı anbâr kısmında mübâyaʻa olunan eşyâ ve levâzım kıymetine girdiği hâlde bu evrâk-ı müsbete hakkında muhâsebenin kayd-ı ih- tirâzîsi dolayısıyla nakid kısmındaki mübâyaʻa olunan eşyâ ve levâzım hesâbına mahsûb edilmeyerek tasfiye olunacak matlûbât [525] hesâbına geçirilmiş ve adem-i tevâfukun bundan münbaʻis olduğu anlaşılmışdır. b) İngilizlerden mübâyaʻa edilen Çanakkale ve İstanbul civârındaki eşyâdan [1]341 [1925] se- nesi zarfında anbâra idhâl muʻâmelesi yapılan kısmın kıymeti anbâr hesâb-ı katʻî tablosunda mütâlaʻa buyurulacağı üzere 380.750 liraya bâliğ olmuşdur. c) Hilâl-i Ahmer'in Eskişehir'de, Karacaşehir Çiftliği'nde ortaklama usûlüyle yapdığı zerʻiyât- dan [1]341 [1925] senesi zarfında alınan hâsılât kıymeti olup [1]926 senesinde de zerʻiyâtdan bir mikdâr hâsılât alınacağı şübhesizdir. d) Malzeme hesâb-ı katʻî fazla-i masârıfına gelince; [1]341 [1925] senesi zarfında Hilâl-i Ah- mer anbârlarına giren eşyâ ve levâzımın kıymet-i umûmiyesi 496.750, kezâlik anbârlardan çıkan eşyâ ve levâzımın kıymet-i umûmiyesi 700.150 lira bulunduğu, bu iki mikdâr yekdiğerinden tarh edilince arada hâsıl olan 208.628 lira malzeme fazla-i masârıfı olup sene-i sâbıka ihtiyât malzeme kıymeti olan 1.203.584 liradan tarh edilmiş olduğu bi't-tedkîk anlaşılmışdır. e) Hilâl-i Ahmer'in müessesâtına sarf etmiş olduğu ve hârice satmış bulunduğu eşyâ ve levâ-