HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2874 zımın mikdâr-ı kıymeti anbâr hesâb-ı katʻî tablosunda manzûr-ı âlîleri buyurulacağı üzere 94.177 ve 548.002 liradan ibâret olduğu kuyûdât ve vesâik-i hesâbiyenin tedkîki[n]den anlaşılmışdır. f) Tebdîl-i eşyâ ve levâzımdan maksad, gayr-ı maʻmûl eşyânın maʻmûl bir hâle getirilmesi olup [1]341 [1925] senesi zarfında eşyâ ve levâzım kıymetinin 22.194 liraya bâliğ olduğu anbâr kuyûdâtı- nın tedkîkinden anlaşılmışdır. g) Eskişehir anbârı inşââtına Hilâl-i Ahmer anbârlarından sarf olunan kereste, çivi, saç vesâire- nin bâliğ olduğu kıymet olup 40.776 liradan ibâretdir. Sarfiyât-ı vâkıʻa anbârlar kıymetine inzimâm etdirilmiş demekdir. [1]341 [1925] Alelâde ve Fevkalâde Büdceler Hesâb-ı Katʻîleri Hilâl-i Ahmer'in âdî ve fevkalâde vâridâtı hesâb-ı katʻî tablosunda görüleceği vechile fâiz, âi- dât, semt heyʼetleri vâridâtı, müsâmere hâsılâtı, çiçek günü hâsılâtı, pul hâsılâtı ve vâridât-ı muhtelife gibi alelâde vâridât ile iʻânât, satış hâsılâtı, merâkiz ve şuʻabâtın bakâyâ-yı matlûbu, Sultanahmed Sergisi satış hâsılâtı ve fürûht olunan eşyâ levâzım ve kıymeti gibi fevkalâde vâridâtdan ibâret olup bu fasıllara mevzûʻ bulunan erkâmın kâbil-i tahakkuk mikdâr olduğu bi't-tedkîk anlaşılmışdır. Cemʻi- yetin bankalarda % 20 ilâ % 70 fâizli tenmiye edilmekde olan ve İngiliz, dolar, İsviçre frangı, İsveç kronu, leva, Türk evrâk-ı nakdiyesinden mürekkeb 894.666 lira mevdûʻâtı mevcûddur. 926 senesinde bu paraların hemen kısm-ı aʻzamı likide edilerek Türk bankalarına % 4 ilâ % 7 fâizle devredilmiş- dir. Yalnız Osmanlı Bankası'nda bir mikdâr hesâb-ı cârî bırakılmışdır. Fevkalâde vâridât kısmında merâkiz ve şuʻabât bakâyâ-yı matlûbu olarak hesâb-ı katʻî tablosunda 49.480 lira gösterilmekde ise de evrâk-ı hesâbiyesi tamâmıyla gelmemiş bulunduğu için tasdîk edilememiş ve ancak [1]341 [1925] senesi zarfında gelmiş olan 48.020 liralık kısmı tedkîk olunabilmişdir. [526] Cemʻiyetin âdî ve fevkalâde masârıfı hesâbât-ı katʻiye tablolarının sütûn-ı mahsûsunda mütâlaʻa buyurulacağı üzere yirmi üç mâddeden ve bu mevâd hizâsına mevzûʻ erkâmdan ibâret olup Hilâl-i Ahmer'in âdî ve fevkalâde ihtiyâcât ve masârıfâtına sarf edilmiş olduğu evrâk ve vesâikinin tedkîkinden anlaşılmış ve sarfiyât-ı vâkıʻa muvâfık-ı hakîkat görülmüşdür. Altı ve On İki Aylık Büdceler Lâyihası Komisyonumuzun tedkîkine arz edilen altı aylık ve bir senelik iki büdce lâyihası, geçen se- nenin bilanço ve hesâbât-ı katʻiyeleri ve âdî ve fevkalâdeleri büdceleri tedkîkâtından alınan esâslar dâiresinde tedkîk olundu. 1 Kânûn-ı Sânî [1]926'dan iʻtibâren 1925 senesi büdce mevâdd-ı nizâmi- yesi ve mûcebince mevcûd büdceye göre sarfiyât icrâ olunduğu ve takdîm edilen altı aylık büdceye bu sarfiyât idhâl edilmiş bulunduğu anlaşıldı. Hilâl-i Ahmer için sene-i mâliye bidâyetinin Temmuz ibtidâsı add ü iʻtibâr olunması husûsundaki mütâlaʻa-i mahsûsaya komisyonumuz iştirâk ve Kânûn-ı Sânî'de hitâm bulan büdcenin müddet-i merʻiyetinin Mart nihâyetinde inʻikâd eden kongreye kadar üç ay temdîdi gibi muvakkat büdce ile tedvîr-i muʻâmele edilmek mecbûriyet ve teşevvüşü ve sâ- niyen Kânûn-ı Sânî'den Mart'a kadar olan zamân zarfında sene hesâb-ı katʻîsinin tanzîmi, merkez-i umûmî icrâât raporunun ihzârı ve merâkiz ve şuʻabâtdan büdce ve hesâb-ı katʻîlerin tamâmen alın- masına kâfi bir zamân bulunmaması zaruretini tamâmıyla takdîr ve tasdîk etmekdeyiz, Sene-i mâliye bidâyetinin hükûmet misillü Haziran iʻtibâr edilmesi hâtıra gelirse de bankalarla hâl-i münâsebet ve temâsda bulunan Hilâl-i Ahmer'in bankalar gibi her altı ayda bir hulâsa-i hesâbiye tanzîmine mecbûr