HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2875 bulunmasından dolayı sene başları Temmuz'dan başlayan bankalara tebaʻan Hilâl-i Ahmer'in de sene başının Temmuz olması zarûrîdir. [1]926 Kânûn-ı Sânî'sinden Haziran gâyesine kadar tertîb edilmiş olan altı aylık büdcenin vâ- ridât fasıl ve mâddeleri geçen senenin tahakkukâtına ve [1]926 senesinin ilk altı ayı zarfında istihsâl edilebilecek vâridâtın hadd-i asgarîsine nazaran tahmîn ve tesbît edilmiş olduğu bi't-tedkîk anlaşılmış ve ancak envâʻ-ı vâridât meyânına idhâl edilmiş olan Hindistan heyʼetine âid faslın vâhid ile ifâdesi komisyonumuzca da muvâfık görülmüşdür. Maʻlûm-ı âlîleridir ki, Hilâl-i Ahmer'in Hindistan'da kıy- meti 70.000 lira tahmîn edilen kereste ve fabrikası vardır. Bu altı ay zarfında merkeze gönderilecek mikdâr gayr-ı muʻayyen bulunduğu için faslın vâhid ile ifâdesi büdce usûlünce muvâfık görülmüşdür. Altı aylık masârıfât ve maʻâşât dahi geçen senenin esâsâtı dâiresinde hesâb ve tesbît edilmiş olup yalnız heyʼet-i idâre aʻzâlarından bazılarına lüzûm görülecek mikdârda tazmînât iʻtâsına mer- kez-i umûmînin salâhiyetdâr bulunduğu hakkındaki nizâmnâme-i esâsînin mâdde-i mahsûsasına tevfîkan 28 Mart [1]926 târîhli merkez-i umûmî karârıyla kâtib-i umûmî ve müfettiş-i umûmîye yüz ellişer ve fahriyen îfâ-yı vazîfe eden hukûk müşâvirine elli lira ücret-i şehriye iʻtâsıyla maʻâşât faslı- nın geçen seneden farklı olarak bu sûretle tesbît olunduğu anlaşılmakla heyʼet-i umûmiyenin nazar-ı tasvîbine arz ve altı aylık vâridât ve masârıfâtın fusûl ve mevâddına mevzûʻ bulunan makâdîrin geçen [527] senenin tahakkukâtına ve bu senenin kâbil-i tahakkuk mikdârının altı aya isâbet edecek mikdâ- rın hadd-i asgarîsine tekâbül edeceği bi't-tedkîk anlaşılmışdır. İşbu altı aylık büdceye âid olup dokuz mâdde üzerine teklîf edilen taʻlîmâtnâme muhâsebece verilen îzâhât üzerine şâyân-ı kabûl görülmekle berây-ı tasvîb heyʼet-i umûmiyeye arz olunur. Kezâlik 1 Temmuz [1]926'dan 30 Haziran [1]927 târîhine kadar on iki aylık büdce lâyihasının envâʻ-ı vâridâtını teşkîl eden fasıllara mevzûʻ erkâm bi't-tedkîk aynen kabûl ve maʻâşât masârıfât mikdârı dahi bir sene zarfında îfâ edilecek hidemât ve vâkiʻ olacak masârıfât ve inşââtın mukâbili bulunduğu anlaşılmakla şâyân-ı kabûl görülmüşdür. Büdcelerin mevâdd-ı nizâmiyesi hakkında derpîş edilen taʻdîlâtı heyʼet-i umûmiye ictimâʻında arz edeceğimiz muʻâmelât, bilanço ve büdceler mütâ- laʻâtımızla berâber heyʼet-i umûmiyenin tasvîbine arz olunur. Komisyonumuz tedkîkâtını ikmâl ederken vazîfesindeki ihtimâm ve dürüstî ile takdîr ve mu- habbetimizi isticlâb etmiş olan Muhâsebe Müdürü Ziya Bey ile rüfekâ-yı mesâʻîsine heyʼet-i umûmi- ye muvâcehesinde teşekkür etmeği bir vazîfe-i kadir-şinâsî addeyleriz. Tedkîk Komisyonu aʻzâsından Giresun Mebʻûsu Musa Kâzım Tedkîk Komisyonu aʻzâsından Gaziayıntab Mebʻûsu Ahmed Remzi Tedkîk Komisyonu aʻzâsından Niğde Mebʻûsu Galib