HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2471 Hilâl-i Ahmer Merkez-i Umûmîsi 28 Eylül sene [1]340 [1924] târîhiyle Akçaşehir Belediye Riyâseti'n- den âtîdeki telgrafnâmeyi almışdır: "-Şefkat ocağının harîkzedegânımıza ibrâz eyle- diği muʻâvenetinden dolayı şükrân ve minnetlerini, bî- pâyân hürmetlerini takdîm eder". _______________ Hindistan Hilâl-i Ahmer Heyʼeti Hindistan Hilâl-i Ahmer Heyʼeti aʻzâsından Dok- tor İsmail Besim Paşa'nın Dersaadet'e avdet için taleb etdiği meʼzûniyet verilmişdir. _______________ Edhem Pertev Bey Hilâl-i Ahmer'in ihtiyâcdan fazla görülen eşyâsı- nın topdan ve perâkende sûretiyle satılmağa başladığı bir seneden beri satış muʻâmelâtının cemʻiyete aʻzamî menâfiʻ teʼmîn edecek tarzda tanzîm ve hüsn-i cereyânı husûsunda bilhâssa sâbık merkez-i umûmî aʻzâsından Edhem Pertev Bey'in çok kıymetli ve ihtimâmkârâne mesâʻîsinin mühim bir âmil-i muvaffakiyet olduğuna kâniʻ olan heyʼet-i idâre-i cedîde, merkez-i umûmînin Ankara'ya nakli zarûreti karşısında bazı eşyânın daha serîʻ ve sehîl bir sûretde satılabilmesi için yeniden Edhem Pertev Bey'in vukûf ve tecrübesinden istifâde etmeğe karâr vermişdir. [209] Hastabakıcılık Mektebi Heyʼet-i İdâresi Hilâl-i Ahmer Merkez-i Umûmîsi'nin ahîrenAnkara'da akdetdiği ilk celsede merkez-i umûmîye merbût Hastabakıcı Mektebi heyʼet-i idâresi, Müderris Doktor Ziya Nuri Paşa'nın zîr-i riyâsetinde olarak Edhem Pertev, Nezihe Veli ve Safiye Hüseyin Hanımefendilerden terkîben intihâb ve teşkîl edilmişdir. _______________ Hilâl-i Ahmer Muhâsebeciliği Ahîren Ergani Maʻden Şirketi'nde mühim bir vazîfe derʻuhde eden Bedri Nedim Bey, Hilâl-i Ahmer muhâsebeciliğinden istiʻfâ etmişdir. Bedri Bey'in usûl-i muhâsebe ve fenn-i defterîde sâhib-i rüsûh ve aynı zamânda yüksek kâbili- yetde bir idâre adamı olmak iʻtibârıyla Hilâl-i Ahmer'den infikâki cemʻiyet için bir ziyâʻdır. Hilâl-i Ahmer Merkez-i Umûmî aʻzâ-yı sâbıkasından Satış Komisyonu'na meʼmûr Edhem Pertev Bey Edhem Pertev Bey, ancien membre du C.C.C.R. et membre de la Commission de vente de notre Sociéte