HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2876 ANBÂR TAʻLÎMÂTNÂME LÂYİHASI 1-Hilâl-i Ahmer merkez anbârı teşkîlâtı Eczâ, âlât ü edevât-ı tıbbiye, çamaşır, porselen ve eşyâ-yı mütenevviʻa, otomobil ve taʻmîrhâne şuʻbelerinden mürekkeb olmak üzere beş kısımdan ibâret olup bu teşkîlâtın bir anbâr müdürü ve aynı zamânda sevk ve tesellüm şuʻbesi âmirliğini de îfâ etmek üzere bir anbâr müdür muʻâvini ve beş şuʻbe meʼmûr ve muʻâvinleri ve bir hesâb meʼmûru ve iki sevk meʼmûru ile idâre olunur. Bundan başka kadrosunda gösterilen adedde taʻmîrhâne usta ve ameleleriyle müstahdemîn ve amele-i dâime istihdâm edilir. 2-Anbâr müdürünün vazîfesi Aynı zamânda anbâr şuʻbelerinin müfettişi olan müdür, şuʻabâtın intizâmına ve anbâr temizliği- ne ve muʻâmelâtın hüsn-i cereyânına nezâret ile mükellef olup anbârın muʻâmelât-ı umûmiyesinden doğrudan doğruya mesʼûldür. 3-Anbâr müdürü ilâve-i meʼmûriyet olarak hiçbir şuʻbenin umûrunu bizzât derʻuhde ve hiçbir meʼmûra vekâlet edemez. 4-Müdür anbâr eşyâsını idâre-i merkeziye tarafından verilecek emre ve gönderilecek liste ve tertîbâta göre ihzâr ve taksîm eder. İdâre-i merkeziye tarafından verilecek emre tevfîkan tefrîk ve iʻtâ ve çıkan eşyânın yerine vazʻı ve îcâb eden mevâddı vesâit-i mümkine ve müstaʻcele ile derhâl tedârük ve noksânlarını itmâm eyler. 5-Anbâr müdürü şuʻbe meʼmûrlarının tutacakları idhâlât ve ihrâcât defterlerini ve bunlara müs- tenid evrâkı ve tesellüm kısımlarını tedkîke salâhiyetdâr ve şuʻbeleri her vakit teftîş ile mükellefdir. 6-Müdür, anbâr muʻâmelâtının heyʼet-i umûmiye [528] sinden mesʼûl olmak iʻtibârıyla gerek şuʻbe meʼmûr ve muʻâvinlerinin ve gerek diğer meʼmûrîn ve müstahdemînin vazîfelerinde göstere- cekleri tekâsül ve terâhîyi delâiliyle birlikde idâre-i merkeziyeye işʻâra mecbûrdur. 7-Anbâr müdür muʻâvininin vazîfe-i esâsiyesi merkez-i umûmîce hâl-i seferberîde tensîb olu- nacak mahallerde küşâd edilecek hastahâneler, çayhâne, aşhâne imdâd mevkiʻleri ve bilhâssa felâ- kete, musîbete karşı muʻâvenete muktezî levâzımı evvelce tehyiʼe ve sûret-i ihzâr ve sevki teʼmîn edecek vesâiti ihzâr etmekdir. 8-Müdür ve muʻâvini tertîb edilecek hastahâne ve teşkîlât-ı sâire, muktezî eşyâ ve âlât ve eczâ malzeme-i sâireden noksân ve istiʻmâle gayr-ı sâlih görülenlerin iştirâsı veya tebdîl ve taʻmîrleri için her ay bir rapor tanzîmiyle müdür vesâtatıyla idâre-i merkeziyeye iʻtâya mecbûrdur. 9-Anbâr müdür ve muʻâvini taʻlîmât ve evâmirin harfiyen teʼmîn-i icrâsına ve sürʻatle istihzârı lâzım gelen eşyânın ihzâr ve sevkine, malzeme, âlât ü edevâtın ve eczânın her an ve zamân istiʻmâline sâlih bir hâlde bulunmasına, anbârların tecdîd-i havâsı ve eşyânın muntazam sûretde vazʻ ve tertîbiyle dâimâ temiz tutulmasına, âlât-ı cerrâhiye ile etüv ve otoklavların ve arabaların ve buna makîs eşyânın ara sıra yağlanarak ve tecrübeleri yapılarak paslanmamasına nezâretle ve gerek nakliye ve gerek hasta ve binek otomobillerinin tecrübelerinin icrâ ve noksânlarının taʻmîr ve ikmâliyle mükellefdir. 10-Müdür, meʼmûrînin muntazaman devâmına nezâret ederek ayda iki günü geçen adem-i devâmı merkez-i umûmîye tahrîren iblâğ ve bu husûs için devâm jurnali tanzîm ve muhâfaza eyler.