HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2877 11-Anbâr müdür muʻâvini müdürün bütün vezâif-i mesʼûliyetinde müşterek ve maʻamâfîh eş- yânın sevk ve tesellümüyle vazîfedâr olduğu cihetle sevk meʼmûrlarının bütün vezâifinden ve netâ- yicinden şahsen mesʼûldür. 12-Anbâr idâresi bi'l-umûm muʻâmelât-ı sâireden dolayı yalnız idâre-i merkeziye ile muhâbere eyler ise de münhasıran muʻâmelât-ı hesâbiye ve kaydiyeye taʻalluk eden husûsâtda merkez-i umûmî muhâsebe müdüriyetiyle muhâbereye meʼzûn ve yine bu husûsa mütedâir muhâsebe müdüriyetinden mevrûd teblîgâtı îfâ eder. Muhâberât kâmilen müdür tarafından icrâ ve evrâk onun tarafından imzâ olunur. 13-Anbâr hesâb meʼmûru muʻtemed vezâifini de îfâ eylemek şartıyla anbâr idâresinin avans hesâbını tutar ve müdür muʻâvini ile müştereken sarfiyâtı icrâ eder. 14-Hesâb meʼmûrunun muʻâmelât-ı nakdiyeye âid vezâifi ber-vech-i âtîdir: 1) Makbûzât ve teʼdiyâtı müşʻir vezne defterini tutmak, 2) Mübâyaʻâta müteʻallik masraf senedâtında muharrer eşyânın anbârca tesellüm edilmiş oldu- ğunu mübeyyin meşrûhât ve idhâl ve taʻayyün numarasını derc ve tasdîk etmek, 3) Meʼmûrîn ve müstahdemînin teblîğ edilen kadro dâhilinde olmak üzere masârıfât-ı mütefer- rika-i zaruriye ve müstahdemîn ücûrâtını teʼdiye eylemek, 4) Bi'l-umûm muʻâmelât-ı nakdiyeyi ve vesâiki muhâsebe-i merkeziyece müttehaz usûl ve eş- kâl dâiresinde tedvîr eylemek, 5) Her ay nihâyetinde vezne defterinden müstahrec ve müdür tarafından musaddak hulâsa-i hesâbiye ile kâffe-i evrâk-ı sarfiye ve müsbeteyi kendisi de imzâ ederek merkez-i umûmîye irsâl [529] ve mahsûbunun icrâsını taʻkîb eylemekdir. 15-Hesâb meʼmûrunun muʻâmelât-ı ayniyeye müteʻallik vezâifi ber-vech-i âtîdir: Bi'l-umûm anbâr idhâlât ve ihrâcât muʻâmelâtının yevm-i taʻyînlerini vesâiki ile tatbîk ve imzâ ederek bordrolarıyla tebdîl edilmek üzere merkez-i umûmî muhâsebesine irsâl ve taʻkîb ve mübâyaʻât sûretiyle olan idhâlât bordrolarında teʼdiye senedinin numarası ve fatura târîhi ve ihrâcâtın ne numa- ralı ve târîhli emre müstenid olduğu[nu] bu taʻayyünlerde şerh ve tasdîk eylemekdir. 16-Muʻâmelât-ı hesâbiye ve kuyûdiyeye müteʻallik olan işlerde hesâb meʼmûru doğruca mer- kez-i umûmî muhâsebe müdüriyetiyle muhâbere eder ve muhâsebeden telâkkî edeceği teblîgât vesâi- reyi derʻakab icrâ eyler. 17-Anbârdaki demirbaş eşyânın kayıd ve tescîl ve muhâfazası anbâr müdür muʻâvini ile hesâb meʼmûrunun uhde-i mesʼûliyetlerine mevdûʻdur. Demirbaş eşyâ şuʻbe defterlerinde ihrâc edilmiş olup mezkûr defterlerde mevcûdu gösterilmeyen ve nihâyet üç ay zarfında kıymetini zâyiʻ etmeyen eşyâdır. 18-İʻmâlâthâneler, çamaşırhâneler ve lüzûmu hâlinde teʼsîs edilecek terzihâne âid olduğu şuʻbe meʼmûruyla anbâr müdür muʻâvini ve hesâb meʼmûruna ve otomobil ve makine taʻmîrhânesi, taʻmîr- hâne meʼmûruyla anbâr müdür muʻâvini ve hesâb meʼmûrunun müştereken uhde-i mesʼûliyetlerine mevdûʻdur. Şöyle ki: Şuʻbe meʼmûruyla anbâr müdürü iʻmâlâthânelerin muʻâmelât-ı idâresinden anbâr mü- dür muʻâvini ile şuʻbe ve hesâb meʼmûru iʻmâlâthânelere ihrâc edilen mevâdd-ı ibtidâiye ile maʻmûl