HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2878 eşyânın idhâl ve iʻmâlâthânede sarf edilen ve iʻmâlâthânelere verilen demirbaş eşyâ ve malzemenin hesâbından mesʼûldürler. 19-Şuʻbe meʼmûrları: Her şuʻbe meʼmûru kendi şuʻbesinin mesʼûl-i yegânesidir. Şuʻbenin anahtarını nezdinde muhâ- faza eder. Kendi şuʻbesindeki eşyâdan mürûr-ı zamânla bozulacakları vukûʻundan evvel müdüre tah- rîren ve resmen bildirir ve netâyicini taʻkîb eyler. 20-Şuʻbe meʼmûr muʻâvinleri: Her husûsda şuʻbe meʼmûrlarının vereceği hatt-ı hareket dâiresinde îfâ-yı mesâʻî, taʻlîmât ve nizâmât-ı mevzûʻa dâiresinde her emirlerini telâkkî ve îfâ ederler. 21-Her şuʻbe "kırılır eşyâ, dikkat!", "tehlikeli eşyâ, dikkat!", "Türkiye Hilâl-i Ahmer Cemʻiye- ti" yazılı ve teʼsîrât-ı hâriciyeden müteessir olmayacak etiket ihzâr ve taleb ederler ve dâimâ mevcûd bulundururlar. 22-Her şuʻbe meʼmûru kendi eşyâlarının sürʻatle sevk ve anbalajını teʼmîn edecek sandık, çu- val vesâir malzeme-i kâfiyeyi taleb ve iddihâr ederler. 23-Her şuʻbe meʼmûru kendi şuʻbesi dâhilinde ve hududunda vesâit-i mümkine-i itfâiyeyi ik- mâl ve teʼmîn ederler. 24-Her şuʻbe meʼmûru kendi anbârını inde'l-îcâb fevkalâde serîʻ bir sûretde ve cüzʼî bir zamân zarfında müteʻaddid hastahâne ihzâr edilecek şekilde tasnîf eder. 25-Herhangi bir şuʻbe bizzât ve doğrudan doğruya anbalaj ve sevkiyât yapamaz. 26-Anbâr müdüriyeti tarafından merkez-i umûmîden mevrûd târîh ve numarası yazılı iʻtâ emri muhteviyâtı, anbâr müdür muʻâvini ve sevk meʼmûrlarından müteşekkil sevk ve teslîm heyʼetine bi't-taʻdâd ve bi'l-vezn teslîm ederler ve mukâbilinde bu heyʼetden muvakkat [530] bir teslîm maz- batası alırlar. 27-Sevk ve teslîm heyʼeti teslîm etdiği eşyânın îsâl ve teslîmini müteʻâkib alacağı mazbatayı kendi mazbatalarıyla tebdîl ederler. 28-Sevk ve teslîm heyʼeti şuʻbelerinden teslîm etdiği eşyânın sâlimen ve tamâmen mahall-i mürettebine sevk ve teslîminden müştereken mesʼûldürler. 29-Şuʻbe meʼmûrları muvakkat teslîm mazbataları yerine mahall-i müretteblerinden alınacak esâs mazbataları aʻzamî kırk beş gün zarfında istihsâl ve taʻkîb aksi hâlde keyfiyeti raporla anbâr müdüriyetine bildirirler. 30-Şuʻbe ayniyât defterleri şuʻbe meʼmûrları tarafından tutulur ve işbu defterlerin muntazaman ve günü gününe tutulmasından meʼmûrîn-i mûmâileyhim mesʼûldürler. 31-Şuʻbe defterlerinde ve bi'l-umûm muʻâmelât-ı kaydiye-i esâsiyede katʻiyen ne bir hakk ve ne de gayr-ı merʼî silinti bulunmayacakdır. Bir yanlış vukûʻunda yazılan rakamın üzerine merʼî bir sûretde kırmızı çizgi çekilir. Doğrusu, bu çizgi üstüne yazılır. 32-Her şuʻbe meʼmûru sene nihâyetinde mevcûd olan eşyânın mükemmel bir muvâzenesini yaparak müdür vâsıtasıyla gönderecekdir. İdâre-i merkeziyeden verilecek emir üzerine anbâr mü- dürü, muʻâvini ve hesâb meʼmûrundan mürekkeb ve lüzûmunda merkez-i umûmî muhâsebesinden gönderilecek meʼmûrların ilâvesiyle teşekkül edecek bir heyʼet maʻrifetiyle bu muvâzene envanterin muhtevî olduğu bazı kalemler ve îcâbında tekmîl mevcûdu ve kayıdla tatbîk olunur.