HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2879 33-Şuʻbe meʼmûru defterinde mevcûd bulunması lâzım gelen eşyânın noksânından ve işbu eşyânın telef ve ziyâʻından zâmindir. 34-Anbâr meʼmûrlarının Eskişehir'den anbâra kadar azîmet ve avdeti mevcûd ve anbâr müdürü tarafından taʻyîn edilen bir nakliye otomobiliyle teʼmîn edilir. Otomobil Eskişehir'in taʻyîn edilecek bir mahallinden Nisan'dan Teşrîn-i Evvel'e kadar sabâh- leyin yedi buçuk ve akşâm anbârlardan sâʻat 18'de ve Teşrîn-i Evvel bidâyetinden Mart nihâyetine kadar sabâh sâʻat sekizde Eskişehir ve akşâm sâʻat 17'de anbârdan hareket eder. 35-Anbârın eşyâ nakliyâtı istasyon inşââtı hitâm buluncaya kadar anbâr müdürü tarafından mevcûdlar arasından tefrîk edilecek iki nakliye otomobili vâsıtasıyla icrâ edilir. Bu üç nakliye oto- mobilinden gayrı diğer binek ve nakliye otomobillerinin gerek anbâra taʻalluk eden işlerde ve gerekse husûsî sûretde istiʻmâli katʻiyen memnûʻdur. Yalnız mevcûd otomobillerin taʻmîrhâne meʼmûru ve porselen şuʻbe meʼmûrunun müştereken göstereceği lüzûma göre ve müdürün tasvîbiyle tecrübe ve seferleri yapması câizdir. 36-Anbârda sâʻât-ı mesâʻînin hitâmından sonra her gün bir şuʻbe meʼmûruyla bir muʻâvin ve bir garaj müstahdemîninden su motoruyla itfâiye kamyoneti işletebilir makinist nevbet vazîfesini îfâ ederler. 37-Nevbetçi meʼmûrun vazîfesi, anbâr ve eşyâsının teʼmîni: Harîk vukûʻunda bütün tertîbâtdan aʻzamî sûretde istifâde ve gece bekçilerinin vazîfe-i devri- yelerini kontrolden ibâretdir. 38-Anbâr müdüriyeti sıtma mücâdelesi kânûnuna tevfîkan meʼmûrîn ve müstahdemîninin sıt- madan vikâyesi için lâzım gelen tedâbîri ittihâz edecekdir. 39-Otomobil taʻmîrhânesi her ay zarfında yapılmış mufassal bir raporla anbâr müdüriyetine tevdîʻ ve müdüriyet tarafından mütâlaʻa-i mukteziye yazılarak merkez-i umûmîye irsâl edilir. 40-Müstahdemîn ve amelenin hidemât-ı husûsiyede istihdâmı memnûʻdur. 41-Bi'l-umûm müstahdemîn ve amelenin hüsn-i istihdâmıyla devâmlarının teʼmîni vazîfelerine nezâret müdür muʻâvinine âiddir. 42-Eczâ şuʻbesinde mevcûd bütün kâbil-i iştiʻâl mâddeler, mevâdd-ı müştaʻile depolarında muhâfaza edilir. 43-Anbâr meʼmûr ve müstahdemîni anbâr mıntıkası dâhiline eşyâ-yı zâtiye getiremezler ve anbâr mıntıkası hâricine çıkarken hiçbir şey hâmil olamazlar. 44-Vazîfe-i resmiye ile alâkadâr olanlarla resmî misâfirler müstesnâ olmak üzere hiçbir kimse anbâr mıntıkası dâhiline giremez. 45-Anbâra girecek ve anbârdan çıkacaklar bir kapıcı tarafından nezâret altında bulundurulan bir medhalden mâʻadâ bir tarafdan girip çıkamazlar. Diğer kapılar dâimâ mesdûd bulunmalıdır. 46-Kapıcı dâimâ yerinde olup vazîfesini gece bekçileri devre başlayıncaya kadar îfâ eder. 47-Resmî zevât ve zâirlerden, kapıda bulundurulacak bir defter-i mahsûsa isim ve hüviyetlerini kaydetmeleri ricâ edilecekdir. 48-Kapıcı çıkacak meʼmûr ve müstahdemînlerin kırk üçüncü mâdde mûcebince hiçbir şey hâ- mil olmadıklarını muʻâyene eder ve böyle bir hâlin vukûʻunda müdürü haberdâr eyler.