HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2880 49-Anbâr şuʻabâtı ve meʼmûrîn dâiresi ile kapılarda muntazaman işletdirilmek şartıyla telefon teʼsîs edilir. 50-İşbu taʻlîmâtın tamâmı tatbîk ve icrâsından anbâr müdür ve muʻâvini müştereken mesʼûl- dürler. 51-İşbu taʻlîmâtnâme târîh-i teblîğinden iʻtibâren merʻîdir. HİLÂL-İ AHMER HAVÂDİSİ Hilâl-i Ahmer Hastabakıcı Mektebleri Merkez-i umûmîmiz son ictimâʻlarından birinde İstanbul'daki hastabakıcı tâlibâtın aded-i mü- rettebini bir misli daha tezyîde karâr vermişdir. Bu sûretle İstanbul'daki mekteb kadrosu yüze iblâğ edilmiş olacakdır. Mektebin el-yevm Aksaray'da Yusufpaşa Câddesi'nde işgâl etdiği binâ dahi on bin liraya mü- bâyaʻa edilmişdir. Bu binânın gâyet vâsiʻ olan bâğçesinde yeniden dershâneler inşâsı ve eski dershânelerin ya- takhâneye kalbi sûretiyle icrâ kılınacak taʻdîlâta pek yakında başlanacakdır. Cemʻiyet aynı zamânda Anadolu'da ayrıca bir hastabakıcı mektebi küşâdına karâr vermişdir. _______________ Müfettişler Merâkiz ve şuʻabât müfettişlerinin adedinin dörde iblâğı hakkındaki karâr üzerine mezkûr müfettişliklere tâlib olan yetmiş sekiz zâtın istidʻâları ile sicilleri tedkîk olunmak üzere müfettiş-i umûmîliğe tevdîʻ edilmişdir. _______________ [532] Merkez-i Umûmî Muhâsebesini Takdîr Tedkîk komisyonunun 1926 senesi kongre heyʼet-i muhteremesine takdîm etdiği raporu biraz yukarıya aynen derc ediyoruz. Maʻlûm olduğu üzere 1925 senesi Hilâl-i Ahmer meclis-i umûmîsinin en meşkûr bir eseri olan muʻaddel nizâmnâme-i esâsîde bu komisyonun vazîfesi teftîşine meʼmûr olduğu senenin hesâbâtıy- la o sene zarfındaki mâlî ve idârî muʻâmelâtı tedkîk etmek ve netîce-i tedkîkâı hakkında meclis-i umûmîye rapor vermek ve merkez-i umûmînin vereceği büdce lâyihası üzerinde tedkîkât icrâ ederek mütâlaʻâtını meclis-i umûmîye arz etmek sûretiyle taʻyîn ve tesbît edilmiş ve aʻzâsının merkez-i umûmîye dâhil bulunmayan ve fakat kongreye hakk-ı iştirâki olan üç zâtdan teşkîli şart kılınmışdır. Geçen sene tedkîk komisyonuna kongre tarafından Niğde Mebʻûsu Galib, Ayıntab Mebʻûsu Ahmed Remzi ve Giresun Mebʻûsu Musa Kâzım Beyefendiler intihâb edilmiş idi.